Page 20 - 07June2022

Puzzel

PAGINA 20 DIARIO DIAMARS 7 JUNI 2022

Riba Diadomingo ta Center League a

gana tur dos wega di Interleague 2022

ORANJESTAD (AAN):
Manera cu DIARIO a trece
dilanti caba, den fin di siman
a cuminza na e Veld di
Little League na Savaneta,
e prome rond di Interleague
2022 categoria 5/6 y tambe
categoria 7/8.
DIARIO a compronde,
cu esaki ta di 2 aña
cu ta organizando e
competencianan final aki
pa tur e muchanan.
Esaki den e cuadro
di duna e muchanan e
oportunidad, pa competi
cu otro deportivamente
representando nan liga, sea
e ta North League, Center
League, of South League.
Riba Diadomingo a topa
un biaha mas cu un grupo
di mayor y fanatico masha
anima mes pa apoya e futuro
peloteronan aki..
Riba Diadomingo tabatin
competencia di team di
Center League vs. South
League.
Den Categoria 5/6, esta
e prome wega, e team di
Center League a gana cu
score di 23-16. Den e wega
aki, e MVP di e competencia
a bira Terrence Williams di
Center League.
Den Categoria 7/8, cu ta
e di dos wega, e team di
Center League a gana cu
score di 9-2. Den e wega
aki, e MVP di e competencia
a bira Ri-Sean Boekhoudt
di Center League.
DIARIO ta felicita e
organizadornan! Y loke ta
duna pueblo mas speranza,
ta e hecho cu tur esaki ta
trabaonan voluntario cu e
commicion cu ta consisti
di Jenny, Valerie, Christine
y e Tournament Advisor
kende ta Alvaro Maduro,
cu e Tournament Director
Giovanni Leocadia
conhunto cu e veldnan cu ta
pone nan mes disponibel pa
cu e wega nan.