Page 20 - RDA
P. 20
For di un principio tabata hopi skeptico cu henter e reapertura di e refineria. Segun ex
parlamentario, ex minister y politico, Booshi Wever, tempo e tabata minister den
gobierno di signatura geel, tabata hiba conversacionnan cu Valero e tempo ey y e punto
di salida tabata cu kier stop di lapimento di cada bes, cada cinco aña ta bin yora atrobe na
gobierno. A bisa Valero cu si tabata kier kwijtschelding di BBO, bin pone un inversion
grandi cu bo ta garantisa cu bo ta entre 15 y 20 aña na Aruba. Pa e gobierno e tempo ey y
pa Wever sigur, tabata un señal cu Valero no tabata serio. Esey a resulta cu despues di 3
aña cu Valero a bay di Aruba.
A sigui cu e desaroyo aki. Tempo cu tabata tin manifestacion, gritonan pa reapertura, a
keda skeptico. A bisa cu Aruba mester cuminsa siña biba cu un situacion sin e refineria
bieu, pero wak si por haya inversionista pa por traha un refineria completamente nobo, of
bin cu un otro industria aki na Aruba.
No a haya oido. Despues a mira un rancamento di siboyo formal na fin di 2015, ken ta
esun cu a bin cu Citgo Aruba. Despues tabata mira ora cu a firma, of bay di acuerdo cu
un acuerdo strangulante pa nos pueblo, unda cu pueblo tin cu para garantia pa hala di cos.
Otro rancamento di siboyo.
Si mira siman pasa den reunion publico di Parlamento, mesun cos atrobe. Tiramento di
culpa p’aki p’aya.
