Page 42 - KPA

Pesey Dowers ta bisa pa no tene miedo di Evelyn Wever-Croes, ni un ke otro dictadornan

cu a laga cera Marko. E ta sali y e berdad lo wordo divulga tambe.

Si tin un material cu por falta, sa unda e tabata documenta, pero e materialnan ey Evelyn

no a haya su falta, pasobra e no tabata sa cu e tey, no ta strobe di traha. E camara cu

Evelyn ta haya falta di dje, no ta strobe di traha, pasobra cu tin cientos di computer a

wordo laga eynan, siendo cu tempo cu Dowers a drenta, no tabata tin. A cuminsa traha

como minister di husticia y enseñansa, cu dos trahado, trahando di 7’or di mainta pa

10’or di anochi, tur dia, y cuminsa desplega un trabao na beneficio di pueblo. No a mira

desde cu e hendenan aki a sinta, cu excepcion di blunders y persecucion, no a mira cu

nada a wordo haci.

Dowers lo bay bin bek riba e blunders y mentiranan cu nan ta treciendo. Nan a bisa cu

nan no a haya overdracht. Dia cu Dowers a bin, el a haya dos pida papel y ta bisa cu e tin

dos proyecto. No a haya ningun overdracht ni informacion di nada. Dia cu a sinta, a

cuminsa traha manera un animal y a traha asina pa 8 aña largo. Si awe ta satisface nan

sed di vengansa contra di e pueblo aki y laga cera hende.

Dowers a tende e sra. Aki bisa cu a haya caha bashi. A haci bestuurskantoor

completamente limpi ora cu a sali. Tabata tin hasta un compania a bin haci limpi. Tur cos

cu tabata di tira afo a wordo tira afo. Hopi straño cu Evelyn Wever-Croes a bin haya caha

bashi den bestuurskantoor, lo ta un di su hendenan lo a coba den dje. A laga caha yen y

tur loke ta bashi, tur loke no tabata tin uzo p’e, a wordo tira afo. Tur cos ta documenta

exactamente kico a keda den bestuurskantoor y si tin cos ta bay un caminda, kico a wordo
documenta tambe. Dowers mes, tin un telefon, a bay cu telefon. Si Evelyn Wever-Croes,

ta manda cera Dowers cu e tin un telefon cu el a uza como minister, e ta bisa unda e ta

bay. E sa su adres y lage manda e hendenan cu e no por manda pa cera e burdugunan den

sociedad aki, laga manda busk’e pa un telefon. E ta na su disposicion.