Page 68 - KPA
P. 68
Kustwacht a tene un detencion espectacular awe, den oranan di merdia, ora cu despues di
rond di 2'or di merdia, operador di radar a tuma nota di 4 boto sospechoso, cu
tabata acerca Spaanse Water.
Segun vocero di Kustwacht, sr. Gouverneur, mesora a bati alarma y personal di
Kustwacht a sali cu Superrhib y a logra intercepta e botonan aki. A topa cu 3 boto modelo
speedboat, cu tabata tow un boto cu lo tabata tin problema cu motor. A tene un control di
biaha riba e botonan y a canta bingo, na momento cu riba 2 di e botnan aki a topa cu un
cantidad di arma di candela, municion y dos handgranaat. Personal di Kustwacht a detene
8 persona relaciona cu e caso aki, mientras cu nan a bay cu dos di e botonan caba y a haci
preparacion pa confisca e dos otro botonan tambe. Investigacion den e caso aki ta
continua. Sigur un bon trabao di parti di Kustwacht cu detencion y confiscacion aki.
