Page 42 - HOH

*Tecnologia Hulandes ta yuda gobernante Chines come saludabel

ORANJESTAD(AAN)–Entrada di e coronavirus
nobo, cu a haya e nomber oficial di 2019nCov. di parti di Organisacion Internacional pa
Salud, a expone atrobe un pregunta cu mundo a silencia. Con peligroso cuminsa cu ta

wordo produci na China ta?

Pa comprende di kico ta papia mester bolbe na e realidad di e comunidad Chines na
China Comunista. E problema mas grandi di e regimen Chines ta pa duna cuminda na

casi un cuarto di poblacion mundial.

E forsa y problema di China ta su poblacion enorme cu na tur forma el a trata di reduci
hasta cu sterilisacion obliga di muhenan.

Di e total di poblacion Chines, mita ta agricultor, piscado of ta ocupa su mes cu cria den
cunucunan chikito y sin hopi tecnologia.

E sistema di come di China tabata basa riba grano, pero a cuminsa cambia cu mas
exigencia pa carni mientras e pais tabata conoce mundo moderno.

E forma di produci y procesa cuminda no semper tabata cuadra cu e pensamento

Occidental. E platonan tampoco, pero semper mester tene na consideracion cultura di
pueblonan y loke nan ta come.

Cuminda Chines a bira un plato hopi pidi na mundo Occidental mientras restaurantnan

tabata habri nan porta pafo di China. Cuminda Chines cu por ehempel ta come na
Aruba, no ta representa cuminda Chines na un gran parti di China.

Pa mundo e problema di produccion di cuminda na China a haya tur atencion ora na

2001 China a bira miembro di World Trade Organization y a mira e posibilidad grandi cu
exportacion di cuminda tin pa e pais.

Na 2015 tabata tin un total di 500 Mil compania cu tabata produci y procesa cuminda

na China. Productonan Chines pa come a cuminsa haya atencion ora den cadena alarma