Page 73 - MIN TTC 7 SEPT 2015
P. 73
22 AWEMainta Dialuna, 07 September 2015
Tres di Aruba su top
chefnan lo competi
p’e titulo di
IRON CHEF ARUBA
E COMPETENCIA tan anticipa di Iron Chef Aruba, produci pa Island
Temptations magazine, y tumando lugar durante e Aruba Tourism Authority
su prome Restaurant Week anual, lo conta cu tres di Aruba su top chefnan
batayando contra otro p’e titulo cu a wordo gana dos aña pasa pa Chef Urvin
Croes di White Modern Cuisine y The Kitchen Table by White.
E aña aki su Iron Chef Aruba lo tuma lugar na The Alhambra Ballroom riba
diahuebs 8 di october.
E grupo di chef ta representa Aruba su mundo culinario
internacional cu Chef Ehecutivo Steven Toevs (Merca),
Chef Ehecutivo Teddy Bouroncle (Peru), y Chef
Ehecutivo Ever de Pena (Aruba) competiendo p’e
trofeo e aña aki.
Chef Ehecutivo Stephen Toevs/The Ritz-
Carlton, Aruba
Chef Stephen a pasa su añanan hoben ta
traha cu cuminda di lama y piscando riba
un boto di piscamento di su famia riba e
awanan di Narragansett Bay na Bristol,
Rhode Island.
Durante su hubentud, e tabata fascina
cu cuminda y el a cuminsa cushina
n’e sitionan local di cuminda di
lama, y despues restaurantnan
Italiano den e area.
Despues cu el a studia ingenieria
na un universidad y a traha den
cushinanan di restaurant pa paga
su placa di scol,
Stephen Toevs a dicidi pa sigui su
pasion y a bira un chef oficialmente,
graduando for di e Culinary Institute
of America.
Den transcurso di e añanan, su
talentonan a crece y desaroya den un estilo
eclectico di cushina cu ta unicamente di dje.
Chef Toevs a ricibi varios reconocemento durante
su carera. El a sirbi como un finalista regional
den e Chaîne des Rôtisseurs competencia di chef
hoben, el a cushina n’e James Beard House na
2010, a participa den e 2013 Cayman Cookout
na Cayman Islands, y e tabata e fundador di
e Desert Ridge Pit Masters, ganando varios
premio den e circuito di BBQ di Arizona.
Chef Ehecutivo Teddy Bouroncle/Aruba
Marriott Resort & Stellaris Casino
Chef Bouroncle ta procedente di Peru cu mas
