Page 13 - FDLP
P. 13
ORANJESTAD (AAN)- Den e weekend tras di lomba un delegacion den e deporte di
dammen a bishita nos hermana isla di Corsou, unda e torneo ABC Tournament 2017
den e deporte di dammen a tuma lugar.
E aña aki ta toca turno na e isla di Corsou pa organisa e torneo di Dam ABC 2018
mirando cu aña pasa esaki tabata na Boneiro. Mester bisa cu Aruba manera semper
tabata bon representa un bes na e torneo aki. E biaha aki e team di Aruba a consisti di
6 participante mas un coach.
Nos delegacion a competi na e torneo aki cu 4 hungador adulto y un hungador hubenil,
pues a agrega e biaha aki un hoben na e ekipo di Aruba. Mester bisa cu Aruba ta
consisti di e hungadonan Aruba 1: Juan E. Nisbet — Rolin Croes, Aruba 2: Delbert
Alexander — Annelaine Jacobs. Coach: Ricardo R Wever y Hoben: Patrick Williams
For di diabierna caba a inicia cu e prome ronda mientras cu diadomingo e ronda final a
tuma luga y lo clausura e torneo cu e entrega di premio. Den e torneo aki Aruba tabata
tin 2 ekipo, mientras cu Corsou y Boneiro tambe a wordo representa pa dos ekipo. Den
total Aruba a hunga 4 wega tanto contra Corsou y Boneiro.
Como ekipo, Aruba a logra un di tres lugar den e torneo di ABC Tournament, mientras e
hoben Patrick Williams a sa na conkista un di tres lugar. Ta bon pa menciona cu desde
aña 2005 e tres islanan ta organisando e ABC Tournament den dammen.
