Page 23 - FDLP

ORANJESTAD (AAN)- Aruba Domino Bond tin e placer di presenta e Campeonato
Nacional di Domino Balashi 2018. Domino sin duda e deporte di mente mas gusta pa
nos hendenan local lo inicia diasabra awor, 26 di Mei cu e gran apertura na Balashi Beer
Garden, cuminsando pa 7.00 di anochi.

Tur e 8 ekiponan participando na e campeonato di Aruba Domino Bond lo hasi acto di
presencia unda cu lo tin un ceremonia di desfile. E campeonato Nacional di Domino
Balashi 2018, lo conta e aña aki cu e siguiente 8 teamnan Old Parr Dt, GoldStone Dt,

Extreme Dt, Sport Boys Dt, Eagles Dt, Trappers Dt, Noord Stars Dt y Ottleys Dt.

Ta bon pa bisa cu e aña aki e campeonato di domino lo wordo hunga na diferente
cedenan rond di Aruba riba e diabierna y diadomingo nan. E aña aki un bez mas Aruba

Domino Bond ta conta cu contribucion di nos compania cu mas tin nos deportenan local
na pecho.

Cu su productonan mas gusta y consumi durante y despues di wega, esta Balashi y

Dewars. Comunidad di Aruba ta wordo invita pa asisti na e apertura y e demsa
weganan pa asina apoya tur e ekiponan di Domino.

E ekipo di Noord Stars Dt lo defende su titulo di campeon un biaha mas, mientras e

rival mas cercano, Old Parr Dt, lo purba kibra e racha victorioso aki. Un cos ta sigur cu
tur e 8 ekiponan ta cla pa bataya pa e titulo máximo.

Stichting Sportsubsidie Aruba tambe a yuda subsidia e campeonato Nacional di Domino

Balashi 2018 organisa pa Aruba Domino Bond.