Page 20 - AM240409

20 POLITICA AWEMainta Diamars, 9 April 2024

Partido AVP:

Falta di vision di MEP a laga un bon scol

converti den menasa social pa San Nicolas

FUERA di a haci reparacion necesario n’e Parke di Lago
Heights, algun candidato di AVP di San Nicolas hunto cu
Parlamentario ing. Mike de Meza a trece dilanti otro ehempel
di con e districto ta sufri na man di e falta di atencion y

vision di e gobierno actual. For di e ruinanan di Scol Don
Bosco pariba di Joe Laveist Sport Park, a mustra con loke un
tempo tabata un bon scol, awendia ta representa un menasa
social pa e comunidad.

De Meza a recorda con despues di a cera den decada 70,
e edificio a bira sede di e prome Colegio Arubano na San
Nicolas. Na 2009 Gabinete Mike Eman I, a traves di ex

minister di enseñansa, mr. Arthur Dowers, a drecha full e
scol den un joya di edificio cu un funcion nobo.
Sinembargo, ora cu gobierno di MEP/POR/RED a haci su
entrada na 2017, no a haci nada mas cu ne. “Ta p’esey e

gobierno aki ta conoci pa ta esun cu ta cera scol na San
Nicolas. Tanto uzo cu por a haya, awe ta un ruina y tristeza,”
asina e parlamentario di AVP a expresa.
“Na luga cu parlamentario di MEP Hendrik Tevreden ta preo-

cupa su mes si Mike de Meza ta subi lista atrobe of no, e
mester ta preocupa cu e edificio y muchanan di San Nicolas
cu no ta haya debido atencion e importancia.”

Candidato Conny Connor, kende ta un maestro di profesion,
ta mira e ruinanan di Scol Don Bosco como un refleho di e
falta di vision di e gobierno actual. Ta dolor pa mira un edificio
cu por a sirbi pa deporte, pa enseñansa, pero cu deliberada-

mente a opta pa lag’e bay perdi. Segun Connor, “E perdida
ta pa abo, ami y nos tur. Y e mesun cos ta sosodiendo rond
henter Aruba, pero particularmente na San Nicolas.”

Mientrastanto, candidato Otami Thomasia ta un docente cu
a duna les tempo cu e scol tabata den funcion. E ta kere
cu Gabinete Wever-Croes a lubida e motibo pakico nan ta
caminda nan ta. “Si ta falta di idea y vision nan tin, nan por

bin papia cu e pueblo di San Nicolas pa tende kico tur nan tin
mester,” Thomasia a laga sa.

For di e angulo di un ex studiante, tambe di Scol Don Bosco, muchanan di e area.

Terrence Ras ta recorda e bon condicion cu e scol tabata
aden. Awendia, como adulto, e ta mira con e ruinanan aki, Aunke e peticion di AVP na Gabinete Wever-Croes II pa
obviamente frecuente pa adicto ambulante y otro antiso- drecha Parke Lago Heights no a haya oido, ta spera cu e
cial, ta entre St. Augustinus School y Paulus School y e ta biaha aki si coalicion MEP/RAIZ por pone man na curason y

preocupa cu gobierno a crea un luga caminda facilmente haci algo na beneficio di e pueblo di San Nicolas y su sigur-
un hende cu menos bon tin intencion por haci malo na e idad.