Page 7 - MIN ECEM

Tin un preocupacion entre e trahadonan di Arubus. Nan a sali pafo den un protesta di

algun ora. Segun presidente di STA, Diego de Cuba, esaki ta consecuencia di mal

maneho. Tin sr. Teo Croes ta manehando Arutram, Aruparking y Arubus y obviamente e

no por cu e situacion. Loke ta pasa ta cu el a leenuit tres trahado pa Aruparking, manda

nan salario skyhigh. Awor aki, tur hende sa cu Aruparking no por sostene mas y e

hendenan mes bin bek pariba.

Dos di nan a bin bek p’ariba manteniendo nan salario halto. E trahadonan no ta acepta
esaki pasobra esaki ta un abuso di marca mayor y STA a bin ta bisa esaki na mesa. A

cant’e di tempran cu e cos aki ta inaceptabel pa sindicato STA y e trahadonan. No ta

husto cu ta coy e trahadonan aki manda nan Aruparking, dunanan un regalon y awor aki

nan ta bin Arubus bek y nan ta banda di nan otro coleganan cu ta gana hopi menos cu

nan.

STA a bisa cu e cosnan aki tin cu caba. A papia cu board. Aparentemente board no ta

haciendo nada. Berdad a reuni cu Arubus, pero nada no ta wordo haci.

Tin placa tur cos pa e luga aki. Arubus ta un prioridad. Arubus ta nos compania nacional

di transporte. E ta transporta e muchanan pa scol. E ta transporta nos hende grandinan. E

ta transporta nos muchanan cu limitacion.

Den Arubus bo mester inverti placa. No den coordinador. Den Arubus bo tin cu inverti
placa y akinan sindicato a bisa cu Gobierno su prioridadnan ta completamente robes. No

ta di awo nan ta bin ta gritando. E estado di e busnan no ta cos di papia mes. Pero a harta

di papia riba esaki. No ta mucho dia pasa un wiel a sali bay for di bao di un bus. Awor

aki un baina cu dos hende cu ta coy nan salario hisa nan skyhigh y awor aki no tin trabao

mas den Aruparking, ban hinca nan bek den Arubus. Ta con por continua asina aki cu

maneho descabeya.

Minister di Transporte

De Cuba a splica cu nan a manda cantidad di carta pa minister Mike de Meza di e caso

aki. Despues cu Otmar Oduber no tabata tey mas, a manda minister varios carta. E no a ni