Page 70 - MIN ECEM

Nan ta responsabel pa tin benta pa por tin huesped den e hotel, pa e otro trahadonan duna

servicio. E trahadonan aki ta di sales. Tin un CAO firma, cu ta firma for di cuminsamento

di aña. Pero na final, un luna pasa, gerencia a dicidi di haci un cambio den e sistema di

pago di e trahadonan aki y esey a trece cune’, cu ta duna e trahadonan menos chens pa

gana mas cen. Na momento cu esey a tuma luga, FTA a manda un carta pa gerencia,

caminda cu a bisa cu esey no ta corecto. Gerencia na su turno a sinta cu FTA y a yega na

un palabracion cu lo bin un otro alternativa cu por yuda e trahadonan gana algo extra.

Esey, den e caso aki a keda di haya un contesta dia 1 di September, pero lamentablemente
e dia a pasa bay y no a haya un contesta.

Ta te cu dialuna, a haya di compronde cu gerencia ta cu vakantie. Na momento cu a

informa e trahadonan cu esey ta e caso, e trahadonan a bisa cu ta hopi inhusto cu nan ta

wardando contesta, mientras cu gerencia ta bay cu vakantie. A manda un carta caminda
cu e exigi un reunion den 2×24 ora. E dia a pasa ayera y esey a conduci cu awe, diahuebs,

mainta e trahadonan a dicidi di pone un protesta. Ta un protesta di 2 ora. Na e mesun

momento a saca carta pa gerencia, pidi un reunion, si ta posibel awe mes, of den e caso

aki mañan. Ta hopi inhusto cu gerencia di su parti, den e caso aki, a dicidi di bay cu

vakantie y lubida cu e tin un compromiso cu e trahadonan. Pesey e trahadonan ta

expresando nan mal contento.

Sistema di pago

Segun Geerman, tin un CAO, pero e sistema di pago cu gerencia tin, y esey no ta hinca

den CAO, a wordo cambia. FTA a bisa compania cu por cambi’e, pero ora cu cambi’e,

nunca e no mag di perhudica e trahado na su entrada. E cambio aki ta perhudica e trahado