Page 31 - Minister Otmar Oduber

AWEMainta Dialuna, 01 Februari 2016 13

Parlamentario Clarisca Velasquez:

Departamentonan
cu a wordo
independisa bou
Gabinete Mike
Eman tur ta
florece

“E VISION di e Gobierno aki pa independisa

departamentonan di Gobierno tabata esun corecto ora
a dicidi pa independisa e Departamento di Turismo
ATA, mirando e mal experiencia di pasado caminda
turismo cu ta depende di e caha di Gobierno a pasa den
mal momentonan ora no tabatin fondo pa mercadea
turismo y mester a recuri na Parlamento pa fondo”,
segun Clarisca Velasquez.

“E mal experiencia aki ta pa pasado, pasobra e
Gobierno aki a bin Parlamento pa converti ATA den
un ‘Siu Generis’ y awe nos tur ta orguyoso cu ATA ta
riba su mes y ta genera su mes fondo y hasta tin un
reserva duro di 19 miyon florin y aña cu a pasa hasta
a contribui cu caha di Gobierno cu 12 miyon florin.

Manera tur ley cu ta bienestar di Aruba MEP ta vota
contra, y pa haci ATA un departamento ‘Siu Generis’
tambe MEP a vota contra. Pero danki Dios cu Gobierno
tin su fraccion di AVP cu tin mayoria den Parlamento,
asina e ley por a pasa y awe nos ta orguyoso di mira
con bon ATA ta bayendo cu sra. Ronella Tjin A Sjoe
Croes na cabes di e timon di ATA”, Clarisca Velasquez
ta splica.

“Otro departamento di Gobierno cu a wordo
independisa ta ANSA, cu awe ta otro ehempel con
bon un departamento por funciona ora e wordo
independisa y awe ta para riba su propio pia bahando
asina e gasto di Gobierno tambe.
Y no manera e departamentonan di Gobierno cu MEP
den Gobierno a haci ‘Siu Generis’ e. o. Serlimar. E
Gobierno di e tempo ey no a regla cos drechi y ainda
nan mester di landsbijdrage di Gobierno pa por
funciona.

E ta tipifica si con malo partido MEP ta traha ora e
ta den Gobierno. Nada nan no por haci na drechi. E
contrast di con e dos Gobiernonan ta traha mester
keda ilustra nan p’asina pueblo por haya sa con cada
un Gobierno a traha ora nan ta of tabata na mando”,
Clarisca Velasquez ta termina bisando.