Page 8 - AWM 24FEB2018

8 AWEMainta Diasabra, 24 Februari 2018

Dos menor di edad ariba brommer

herida, despues di dal contra auto

DIABIERNA den oranan di mainta polis a bay altura di Brazil 60,

caminda un accidente entre auto cu brommer a sosode.

Na yegada di polis nan a constata cu un di e personanan ariba e
brommer a fractura su pia y e di dos tambe lo tin golpi.

E caya caminda e accidente a sosode ta di tera y e dos hobennan
ariba e brommer ambos menor di edad, tawata bayendo skol.

E manehador no tawata tin rijbewijs y e brommer tampoco tawata

tin papelnan valido.
Ambulance a presenta y despues cu personal di ambulance a prepara

nan, a sali direccion Hospitaal.

Aruba Human Rights for All:

Gabinete Wever-Croes ta sigui

perhudica e Ser Humano

Gabinete Wever-Croes no solamente a persigui y perhudica 300 mama y tata di

famia, kioskeronan, e homber y muhernan humilde cu lo a desea di haya nan

vergunning pa taxi pero awor a dicidi pa hunga cu e posicion huridico di docen-
tenan di Aruba.

Ta parce cu e gobierno actual ta determina pa purba spaar tiki placa a costo di e
desbentaha pa maestronan. Nan no ta pensa cu esaki tambe lo tin consecuencia

despues pa nos muchanan. Un docente cu bay atras financieramente ta wordo

demotiva pa brinda educacion na un cierto nivel pa nos muchanan. Nos cu ta
boga pa tene cuenta cu derechonan humano ta suplica gobierno actual pa no

hunga cu e futuro di Pais Aruba y di nos muchanan cu e wega di DPS!