Page 8 - DIGICEL A[PRIL 24,2015
P. 8
AWEMainta Diahuebs, 23 April 2015 9
Yolanda Croes ta haci entrega di
su obra nobo:
“E Fucu di
e Piedra
Pretonan: Mi
amiga Paulina”
DEN cuadro di Dia di Buki y Derecho di Autor awe 23 di april,
Yolanda Croes a haci entrega na diferente persona, instancia y
scol di su obra mas recien “E fucu di e Piedra Pretonan. Mi amiga
Paulina”, un storia veridico cu a tuma lugar aki na Aruba.
Di e forma aki Yolanda Croes a presenta su buki na sr. Gos
Oduber, Director di Bureau Intellectueel Eigendom.
Sr. Oduber a keda agradablemente sorprendi y a encurasha
Yolanda pa sigui skirbi ya cu Aruba mester di creacion original
di nos propio hendenan. Riba e potret por aprecia sr. Gos Oduber
y e autor.
JULIANA MAVO
Prome scol secundario cu a ricibi e buki nobo di Yolanda Croes ta
Juliana Mavo Dependance na Hato bou direccion di sra. Shirley
Pope y sr. Randolf Vrolijk. Presentacion di e buki a tuma lugar
den klas 2A di Meneer Kelly, docente di Papiamento. Riba e
potret por aprecia e autor hunto cu directiva di scol.
SETAR NV
Como muestra di aprecio y un estimulo y ehempel pa otronan den
nos comunidad, autor Yolanda Croes a presenta su buki nobo na
Setar NV. Setar ta un compania cu pa añanan largo ta organisa
cursonan di idioma Papiamento riba nivel di MBO y HBO pa su
empleadonan. Esaki ta di aprecia y merece elogio sigur.
E autor a dedica su su buki na Director y Staff y n’e motor tras
di tur e cursonan, e incansabel sra. Christel Croes, Training
Manager na Setar NV.
BESTSELLER
“E fucu di e Piedra Pretonan. Mi amiga Paulina” ya caba ta un
bestseller y tin henter nos isla den su gara. E storia real aki ta conta
di un mucha muher, hoben, paranormal, rockero y yiu di saco cu
a infiltra den e mundo di spirito. E spiritonan, e bol’i fuegonan y
e sombranan scur tabata persigui e hoben aki y tabatin e den nan
poder. Un vidente a avisa e mama cu e maldad cu a drenta su cas
tabata debi n’e piedra pretonan cu nan a yega di piki hopi aña
pasa na Boca Indjeco. Pero e mucha muher su miedo a desparce y
su podernan magico a traspasa tur limite dia el a conoce su amiga
Paulina. E buki di Yolanda Croes ta obtenibel cerca e autor mes,
na su Scol di Idioma na Pos Chikito 78 via telefon 690-0169, na
Richelle Beauty Vision na Sta Cruz y na Boekhandel van Dorp na
Dakota y na San Nicolas.
Yolanda Croes ta haci entrega di
su obra nobo:
“E Fucu di
e Piedra
Pretonan: Mi
amiga Paulina”
DEN cuadro di Dia di Buki y Derecho di Autor awe 23 di april,
Yolanda Croes a haci entrega na diferente persona, instancia y
scol di su obra mas recien “E fucu di e Piedra Pretonan. Mi amiga
Paulina”, un storia veridico cu a tuma lugar aki na Aruba.
Di e forma aki Yolanda Croes a presenta su buki na sr. Gos
Oduber, Director di Bureau Intellectueel Eigendom.
Sr. Oduber a keda agradablemente sorprendi y a encurasha
Yolanda pa sigui skirbi ya cu Aruba mester di creacion original
di nos propio hendenan. Riba e potret por aprecia sr. Gos Oduber
y e autor.
JULIANA MAVO
Prome scol secundario cu a ricibi e buki nobo di Yolanda Croes ta
Juliana Mavo Dependance na Hato bou direccion di sra. Shirley
Pope y sr. Randolf Vrolijk. Presentacion di e buki a tuma lugar
den klas 2A di Meneer Kelly, docente di Papiamento. Riba e
potret por aprecia e autor hunto cu directiva di scol.
SETAR NV
Como muestra di aprecio y un estimulo y ehempel pa otronan den
nos comunidad, autor Yolanda Croes a presenta su buki nobo na
Setar NV. Setar ta un compania cu pa añanan largo ta organisa
cursonan di idioma Papiamento riba nivel di MBO y HBO pa su
empleadonan. Esaki ta di aprecia y merece elogio sigur.
E autor a dedica su su buki na Director y Staff y n’e motor tras
di tur e cursonan, e incansabel sra. Christel Croes, Training
Manager na Setar NV.
BESTSELLER
“E fucu di e Piedra Pretonan. Mi amiga Paulina” ya caba ta un
bestseller y tin henter nos isla den su gara. E storia real aki ta conta
di un mucha muher, hoben, paranormal, rockero y yiu di saco cu
a infiltra den e mundo di spirito. E spiritonan, e bol’i fuegonan y
e sombranan scur tabata persigui e hoben aki y tabatin e den nan
poder. Un vidente a avisa e mama cu e maldad cu a drenta su cas
tabata debi n’e piedra pretonan cu nan a yega di piki hopi aña
pasa na Boca Indjeco. Pero e mucha muher su miedo a desparce y
su podernan magico a traspasa tur limite dia el a conoce su amiga
Paulina. E buki di Yolanda Croes ta obtenibel cerca e autor mes,
na su Scol di Idioma na Pos Chikito 78 via telefon 690-0169, na
Richelle Beauty Vision na Sta Cruz y na Boekhandel van Dorp na
Dakota y na San Nicolas.
