Page 4 - RIU HOTEL

Riba Dia di Hende Muhe e gerencia di Riu Palace Aruba a sorpresa su empleadonan
femenino cu un rosa cora. Gerencia a felicita e empleadonan femenino riba nan dia.

Gerencia di Riu Palace Aruba a sorpresa empleadonan femenino den cafetaria durante
nan descanso, unda cu a parti e rosanan. Tur empleado femenino tabata sumamente feliz
cu e gesto bunita aki y a gradici gerencia pasobra nan no a spera esaki.

E empleadonan a haya e detaye aki uno altamente aprecia y ta sinti nan mes sumamente
aprecia p’e gerencia di Riu Palace Aruba.

Riu
Famia Riu a funda Riu Hotels & Resorts como un hotel chikito na aña 1953, na Majorca,
Spaña. Awendia RIU, cu ta partner cu TUI, e compania di tours mas grandi na mundo, ta
ofrece 95 hotel, di cual riba 70% ta ofrece acomodacion “All Inclusive”. Riu Hotels &
Resorts ta bou maneho diario di e di tres generacion di famia Riu, cu su oficina principal
na Majorca y ta conta cu riba 26 mil empleado y ta estableci den 19 pais, manera Spaña,
Portugal, Irlanda, Alemania, Bulgaria, Turkia, Morocco, Merca, Mexico, Jamaica,
Bahamas, Aruba, Costa Rica, Republica Dominicana, Panama, Cabo Verde, Mauritius,
St. Martin y Sri Lanka.