Page 26 - HOH

AZV ta trahando directamente cu Departamento di Enseñansa y a yega na un
colaboracion hopi mas cerca cu otro. T’asina cu Departamento di Enseñansa lo
provee e lista di studiantenan cu ta bay cu Arubalening. Den esaki tin mas o

menos dos of tres grupo principal. E prome grupo ta cu ta bay sali dia 4 of 5 di
Augustus rumbo pa Hulanda. Y semper tabata asina cu AZV ta cera oficina pa

un of dos dia p’e studiantenan por pasa entrega nan Zorg Pass y haya un
comprobante cu nan tabata asegura na AZV, pero aworaki ta bay tin un cambio.

E aña aki, Departamento di Enseñansa mes lo bay manda e studiantenan un
email den cual nan lo ricibi un flyer di AZV cu lo describi nan cancelacion di

inscripcion na AZV. E flyer lo splica nan solamente di e palabracionnan cu tin,
esta una bes AZV ricibi e lista di Departamento di Enseñansa, AZV mes lo
percura pa cancela nan inscripcion na AZV. E mas facil aworaki ta cu e studiante

na cualkier ora entre 7:30am pa 4:00pm por pasa entrega nan Zorg Pass. E
importante ta cu e flyer di AZV cu nan ricibi via nan email lo ta e comprobante

di seguro te na momento cu nan subi nan avion y bay Hulanda. Esaki ta
importante, pasobra AZV a yega di haya nan mes den pasado cu studiantenan

cu a schrijf uit na Censo y AZV a bira malo prome cu biaha pa Hulanda.

Banda di esaki, ta recorda e otro studiantenan cu ta biaha riba otro fechanan of
ta biaha pa otro pais riba nan propio costo cu pa nan si ta keda importante pa
nan pasa AZV cu nan Zorg Pass y percura pa nan bin cu nan ticket di biahe,

pasobra nan lo ricibi un carta cu lo cubri e dianan cu nan a schrijf uit na Censo
te cu ora nan subi avion pa bay otro pais.

http://masnoticia.com/azv-mes-lo-zorg-pa-cancela-inscripcion-di-studiante-cu-ta-bay-afo/