Page 11 - DESPA

Ta tempo pa bin bek den structura y sigui

biba saludabel

- Advertisement -

ORANJESTAD(AAN): Aña escolar nobo ta bay cuminsa y ta bon pa manda un mensahe
pa nos hobennan. Charlene Leslie, kende ta funcionario Gezondheidsbevordering na

Ibisa, ta splica cu hopi biaha durante vakantie ta laga bay un tiki. Por ta come un tiki
menos saludabel, haci menos actividad, ta bay cu vakantie. Awo ta tempo pa bin bek
den structura y sigui cu nos bida saludabel.Con ta haci eseyEsey dimes door di come
saludabel y haci suficiente actividad fisico. Esaki no ta solamente pa hendenan grandi,

pero pa e muchanan tambe, pa percura cu pa den futuro nan tin un bida saludabel.Con
nos ta come saludabelVooral pa e mucha y hendenan grandi, pa come productonan
integral, cu ta contene hopi fibra, entre otro pan bruin, aros bruin, tambe pasta, batata,
cu ta contene hopi fibra y tambe ta contene su vitaminanan. Banda di esey frutanan ta

hopi importante, cual ta un snack perfecto pa bay scol cun’e, of pa bay trabao cun’e.
Pensa riba nos berduranan. Purba di come dos cup di berdura cada dia. Tambe purba di
uza menos sucu durante dia. Pensa riba e bebidanan cu ta contene hopi sucu, manera
refresco, juice. Esey por haci un diferencia grandi riba e cantidad di caloria cu ta drenta

bo curpa cada dia.Banda di esey tin actividad fisico tambe. Un bida saludabel no ta
solamente come saludabel, pero haci suficiente actividad fisico tambe. Na scol tin e half
uurtje pauze pa move. E muchanan ta bon pa haci uzo di dje. Tambe tin gym.Banda di
esey tambe ta importante pa sigui move toch. Ta recomenda pa muchanan move

minimo 1 ora pa dia y e por sosode na diferente manera. Entre otro hunga na cas, den
cura, haciendo un deporte. Mientras cu nan ta move y nan curason bati un tiki mas
duro. Ta conta tambe pa nos hendenan grandi cu por ta ta bay cuminsa traha bek. Ta
importante pa toch haya suficiente movecion.