Page 15 - BNDIA ARUBA

A15
HENDE Diaranson 8 Januari 2020

Dufi Kock ta comparti historia di Bali Restaurant

ORANJESTAD – Sr. Dufi Kock a comparti e siguiente
relato riba e pagina di Facebook ‘Seccion Historico di
Aruba’, cual a ser comparti riba pagina di Departa-
mento di Cultura. E aña aki ta exactamente 65 aña pasa
cu Aruba a cera conoci cu un restaurant unico y straño.
Un restaurant flotante riba lama, situa unda tabatin
dos cura di turtuga na Playa, cu a haya e nomber Bali
Restaurant.

Oficialmente el a habri na aña 1955. E tabata un imagen, cu
a lo largo a bira un simbolo familiar dilanti di waf na Playa.
E tabata un restaurant cu cuminda Indones, y su specialidad
tabata e famoso rijsttafel. Un otro restaurant e tempo ey cu
mesun cumindanan tabata Waradjawa, pero segun comentari-
onan di e bishitantenan ningun por a compara cu Bali Restau-
rant. Sr. y Sra. Bartels a maneha e restaurant.

Te na final di añanan '70, bida di restaurantnan pa turistanan
mayoria bes a tuma luga den e restaurantnan di e hotelnan
grandi. Pa bo por a come den e retaurantnan ey bo mester
ta bon bisti, hombernan cu bachi y dashi cu te hasta e hotel
tabatin pa huur si acaso bo kier come y no tin bachi y dashi
bisti. E cumindanan ta wordo sirbi y tin musica pa acompaña
e momentonan ey. Asina tambe un di e prome restaurant cu
a bini tabata Bali Restaurant y otronan manera Dragon Phoe-
nix, Kowloon, Cattle Baron den Dakota Paradise cu su fa-
moso carni.

E restaurant Bali aki, como cu e tabata flota riba lama, tabata
rekeri hopi mantencion pa motibo di salpeter. Na juni 1965
mes a duna e restaurant un bon mantencion y renobacion. Na
aña 1972 a traha un Bali Restaurant nobo den estilo Indones
cu un construccion cu ta capta bista na canto di lama na Playa.
E restaurant flotante tabata cuatro bes mas grandi cu e bieu y
por a acomoda 80 pa 120 huesped. Su interior tabata decora
cu palo y mat di bambu. Costando Fls.450,000.00, e edificio
tabata un seccion di dos piso, uza como oficina. Depositonan
tabata bou dek. Specialidad di e restaurant a sigui cu e deli-
cioso rijsttafel y otro cumindanan Indones. Doño di e edificio
tabata Sr. Karel Schmand y su señora Hannie, mientras su yiu
Ronald tabata gerente.

E restaurant aki a bira asina famoso pa nos hendenan local,
turistanan Europeo, pero mas ainda turistanan Mericano cu ta
gusta come cuminda Indones. Awendia si bo lesa websitenan
turistico, ainda bo por repasa varios turista Mericano cu a yega
di bishita Aruba ta puntra si Bali Restaurant t’ey ainda. Pa nan
e restaurant aki tabata y lo keda e No. 1 di loke semper nan a
gusta, esta cuminda Indones, specialmente nan famoso rijst-
tafel.
Na aña 1957, Bali Restaurant a yega di manda 12 rijsttafel cu
KLM pa Caracas, Venezuela.

Pa mas informacion historico di Aruba, bishita e pagina di
Facebook ‘Seccion Historico di Aruba’.