Page 47 - FDLP
P. 47
E serie entre X-treme DT y Old Parr DT a trece sorpresa grandi. Old Parr DT mester a
reconoce cu X-treme DT ta “een maatje te groot” pa nan.
Den dos wega sigui X-treme DT a pasa riba Old Parr DT cu dos biaha e score di 13 pa 9.
Aki si no tabatin necesidad pa un di tres wega.
Nos por bisa cu e experiencia di “Hermans” a haci hopi falta den e fila nan di Old Parr
DT. Pa X-treme DT Zinho Saladin y Jacqueline Kwidama a demostra nan superioridad y
a mustra nan colega nan di X-treme DT e caminda pa victoria.
Final Campeonato Balashi 2019
E proximo weganan di e Final di Campeonato Balashi 2019 lo tuma lugar 18, 19 y 20 di
october na Sport Boys Club. Den e Final di Campeonato Balashi 2019, Noord Stars
“Pizza Hut” DT y X-treme DT lo topa otro pa determina ken lo bay cu e titulo maximo y
automaticamente ken lo keda Sub Campeon.
Pa lugarnan 3 y 4, Ottley’s Strikers DT y Old Parr DT lo enfrenta otro. E Final di
Campeonato Balashi 2019 tambe lo ta un serie “best out of three”.
Aruba Domino Bond y e equiponan participante ta conta cu tur nan fanaticada y Aruba en
general pa presencia e confrontacionnan di caliber den Domino na Sport Boys Club.
