Page 9 - CMB

PAGINA 30 DIARIO DIASABRA 11 SEPTEMBER 2021
Casi un miyon
persona ta core
riesgo di pasa
hamber na Haiti
despues di e

teremoto
PORT-AU-PRINCE: Como
980.000 hende cu ta biba
den e cuatro departamento-
nan di Haiti mas afecta pa e
teremoto di 14 di Augustus,
ta coriendo riesgo di pasa
hamber e siguiente lunanan,
segun e Food and Agricul-
ture Organization (FAO) di
Nacionnan Uni.
Simplemente e teremoto
a destrui tur e infrastructura
pa produccion di agricultura
y distribucion di alimento,
tiendanan, camindanan, de-
positonan, sistemanan di
riego di tereno, y e situacion
a empeora ora cu Tropical
Storm Grace a pasa algun dia
despues.
Den e parti zuid di e pais
cu a wordo sacudi pa e ter-
emoto, “ta spera cu como
980.000 hende lo sufri inse-
guridad alimentario severo
(Fase 3 of mas riba un Scala
di 5) entre September 2021
y Februari 2022, incluyendo
320.000 hende den Fase 4
(emergencia), segun FAO a
bisa den un documento di in-
vestigacion haci pa diescinco
agencia di Nacionnan Uni y
organizacionnan NGO inter-
nacional, cu a check e bal-
ance di estado di seguridad
di cuminda na e pais.
E agencia di Nacionnan
Uni kier yuda e Haitianonan
prome cu e siguiente tem-
porada di agricultura start
na October, distribuyendo
simiya, equiponan di agricul-
tura, of esnan cu ta cria ani-
mal, yudando nan reconstrui
infrastructura daña (canal-
nan pa awa, plantanan cu ta
procesa fruta, produccion di
lechi, of di pisca).
Pa esey, FAO a solicita 20
miyon Dollar pa yuda como
32.000 famia rural mas
afecta, pues cu ta consisti di
160.000 persona.
Haiti ya caba ta un di e
paisnan mas pober di mundo,
y ta situa den un zona sismi-
co hopi activo. E teremoto
anterior di 2010 a mata mas
di 200.000 persona y tabata
devastador pa e economia di
e pais.
E teremoto di 14 di Augus-
tus cu a pasa na e peninsula
zuid di e isla, a causa morto
di mas di 2.200 persona.