Page 3 - AB

Diahuebs, 7 Januari 2021 AWEMainta
Muher Hulandes condena pa
labamento di placa na Aruba
RECIENTEMENTE tabatin decision di un Corte na
Hulanda (Overijssel) unda cu un ciudadano Hulandes a
wordo haya culpabel di labamento di placa riba un periodo
tog largo. El a haya condena den forma di un boet di casi
50 mil euro.
E ciudadano aki, kende su nomber no a wordo menciona
den e relato di e Corte, a wordo acusa cu for di aña 2001
te cu aña pasa el a haci su mes culpabel na labamento di
placa, di mas cu 1.3 miyon euro. El a sconde procedencia di
e placa aki pa autoridadnan fiscal.
Tratamento di e caso a tuma lugar den luna di november
y prome cu Pasco tabatin un decision caba. Ta papia di un
suma di 1.5 miyon euro cu e sospechoso/acusado tabata sa
ta procedente di droga, segun Ministerio Publico.
E persona aki tabatin un compania cu el a lanta na aña
2001 y e tabata e unico accionista. E declaracion cu el a
duna riba procedencia di e placa tabata hopi vaag y e spli-
cacion no tabata algo cu autoridadnan por a verifica. E
compania a wordo crea pa maneha un compleho di aparta-
mento na Aruba.
Na 1993 e directiva/acusado a lanta e compania. E ta in-
scribi na Camara di Comercio y e acusado t’e unico accioni-
sta. A constata cu dia prome di september 1993 el a cumpra
un tereno na Aruba pa 150.000 florin. A paga esaki den
efectivo.
Riba e tereno a construi un compleho di apartamento y cu
transcurso di tempo, segun e abogado mes a bisa, a inver-
ti algun shen mil florin den e Proyecto (2.585.101 NLG),
por medio di seis pago efectivo pa un suma total di NLG
478.000,-- y nuebe pago giral di NLG 1.958.775,--.
Pa evita cu ta pone beslag riba e propiedad, na november
1998 a paga un suma di NLG 140.000,--. Pa esaki tabatin
un pago cash di NLG 100.000,--.
Den e investigacion haci a constata cu despues cu a cumin-
sa cu construccion di e compleho di apartamento, el a wor-
do condena dia 24 mei 1994 cu un castigo di prison pa viola
ley di droga. Un otro persona a tuma maneho di e compania
cu e acusado a cay cera na Hulanda, e compania a cuminsa
confronta problema cu pago di su debenan.
3
E persona encarga cu e compania a sera un prestamo cu
Aruba Investment Bank. Y e persona responsabel ey a
cuminsa transferi placa p’e acusado sera na Hulanda, cu
ta encera sumanan di placa relaciona cu loke el a paga pa
compra di e tereno y construccion di e compleho di aparta-
mento. Pero tambe autoridadnan a constata cu den e peri-
odo di 2002 pa 2004 el a haya 55 deposito efectivo pa un
suma total di € 156.550,-- riba su cuenta priva.
Tur maniobra di e ciudadano aki ta mustra den direccion di
labamento di placa, segun Corte. E hecho cu e ta haci hopi
uzo di placa efectivo, compra di propiedad y cu placa cash
Belasingdienst Hulanda no tin informacion cu e ta dispone
di propiead na Aruba y na Aruba mes e no a cumpli cu
su obligacionnan fiscal. E no tin ningun fuente legal di en-
trada cu por hustifica inversion di e indole aki. Tampoco
su abogado mr. Kloes no a duna copia di administracion cu
ta demostra procedencia di e placa. OM a dun’e chens pa
busca forma pa splica procedencia di e placa y cu prueba,
pero e no a haci esaki.
Di e suma di 150 mil florin cu el a paga pa cumpra di tere-
no, el a bisa cu el a haya di famia for di Surinam. Un rato ta
bisa cu ta su ruman homber a yud’e y despues ta bisa ta su
tata. Fiscal a pidi pa impone un boet di 50 mil euro. Huez
a tene cuenta cu basta tempo a pasa desde cu e acusado a
wordo deteni na Aruba, 24 di januari di 2017 pa cual su
proceso mester tabata cla pa final di 2019. E sentencia ta
bin casi 23 luna despues. P’e motibo aki a baha e boet na
47.500 euro.