Page 2 - LOTTO 8 DEC 2015

18 AWEMainta Diaranson, 2 December 2015

“Award Book Hoben y Talentoso 2015”
entrega reconocimento na Lotto y na

Playa Linda Beach Resort

RECIENTEMENTE e comision encarga cu e

proyecto Hoben y Talentoso a haci entrega di e
“Award Book Hoben y Talentoso 2014” mas un
obsekio di gradicimento na un di e patrocina-
donan principal di e proyecto cu ta Lotto. Director
di Lotto, sr. Ronald van den Berg a ricibi e buki y
e obsekio di gradicimento for di man di miembro
di comision, sr. Maurits Malmberg.

Diabierna ultimo, e representantenan di e comi-
sion encarga cu e proyecto Hoben y Talentoso a
haci un bishita na Playa Linda Beach Resort, ken-
denan t’e patrocinado principal di e propio buki
“Hoben y Talentoso 2015”.

N’e ocasion aki tambe e miembro di comision,
sr. Maurits Malmberg a haci entrega di e “Award
Book Hoben y Talentoso 2015” mas un obsekio di
gradicimento na Gerente General di Playa Linda
Beach Resort, sr. Peter van Grinsven.

Mester bisa acerca cu esaki t’e di
dos aña cu Playa Linda Beach Resort
ta formando parti di e bunita proyecto

como e patrocinado principal di e
buki Hoben y Talentoso.

Comision Hoben y Talentoso ta masha agradici cu
Playa Linda Beach Resort, specialmente su Gerente
General, sr. Peter van Grinsven cu a keda masha
encanta cu e proyecto dedica specialmente n’e ho-
bennan den nos comunidad.

Den pasado sr. Van Grinsven su
persona mes tabata un atleta di

landamento renombra den
Antiyas Hulandes y Aruba.

Esaki t’e prome aña cu Lotto, e loteria di Aruba a
forma parti di e proyecto cu ta reconoce e tremen-
do trabou desplega pa nos hobennan local den
diferente area. E area di deporte t’esun mas grandi
den e buki, alrededor di 15 hoben atleta di Aruba ta
wordo reconoci pa nan prestacion y logro durante
nan carera deportivo.

Comision Hoben y Talentoso ta masha agradicido na Lotto, specialmente na su Director, sr. Ronald van den
Berg kende a kere den e proyecto dedica specialmente n’e hobennan den nos comunidad.