Page 79 - KPA DEC 28,2015

4 AWEMainta Dialuna, 28 December 2015

Atraco
riba Flores
Supermarket

DIARAZON, pa mas of menos 3’or y 10 di atardi,

Central di Polis ta manda patruya di trafico di Noord pa
Tanki Leedert pa un accidente.
Na caminda, Central ta meld cu un rato prome tabatin
un atraco riba Flores Supermarket na Seroe Patrishi.
Na caminda, na altura di Acero, patruya a mira un
Hyundai Accent color preto cu 4 homber sinta aden, ta
core iresponsabel riba caminda cu ta core dor di Tanki
Leendert.
Polis a bira na man drechi y despues direccion nort.
Relaciona cu esaki, a duna señal n’e auto pa para, den
cuadro cu nan comportacion riba caminda. E auto a para
dilanti un cas na Tanki Leendert y durante control, a bin
ripara cu e number di auto no ta klop cu e auto.
Central a geef dor cu e sospechosonan di e atraco tabata
core den un auto preto. Tambe el a duna informacion cu
dos di e sospechosonan tabata color cla y tabatin camisa
preto bisti.
Mas patruya policial a bay n’e sitio.
E 4 hombernan y e auto a wordo listra. Den e auto a bin
haya un cantidad di placa, un cadena di oro y un arma
di candela.
E 4 sospechosonan a wordo deteni den caso cu e atraco y
a hiba warda. Tur cos a bay den man di Team di Atraco.
Nan tur ta Latino.