Page 120 - MIN VOS

hopi bon kiko ta e kousa di morto. Den e kaso ei e dòkter ku ta investigá kurpa di un persona ku a
fayesé ta bini den akshon. E dòkternan aki tin konosementu spesial i eksperensia pa wak bon si e
fayesimentu ta algu ku por a spera òf ku ta nesesario pa hasi investigashon mas aleu. Hopi biaha e

departamentu forénsiko di polis tambe ta bini den akshon den e kaso ei. Despues di un fayesimentu
no-natural ta sigui konfiskashon i outopsia dor di un patólogo òf dòkter ku ta investigá kurpa di un
persona ku a fayesé.

Dia 2 di sèptèmber riba inisiativa di Departamentu di Salubridat Públiko, e dòkternan ku ta investigá
kurpa di un persona ku a fayesé huntu ku hopi otro kolega i fiskalnan a profundisá nan mes den e
situashon na Boneiru, e dilemanan na momentu di determiná morto natural òf no-natural i kon pa

traha mas mihó posibel huntu den esei.

Nan a hasi esei durante un tayer bou di guia inspirativo di Prof. Dr. Mr. Wilma Duijst, dòkter
forénsiko, wes suplente i profesor den medisina forénsiko na Universidat di Maastricht. Pa e

dòkternan ku ta investigá kurpa di un persona ku a fayesé esaki tabata parti di un entrenamentu di dos
dia pa profundisá nan mes mas aleu den problema- i dilemanan rondó di e asuntu di determiná kousa
di morto i otro preguntanan despues di fayesimentu. Pa medio di bon palabrashon entre dòkternan,

hustisia i polis determinashon di morto natural òf no-natural i e eventual investigashon mas aleu di e
kousa di morto por kana mas mihó. Di e manera ei famianan por haña sa mas lihé kiko nan tin ku
tene kuenta kuné i kompañá nan ser kerí na su último lugá di sosiegu.