Page 42 - MIN VOS

AWEMainta Dialuna, 25 September 2017 13

Paradise Beach Villas a sponsor un ekipo di baseball hubenil

UN bautismo di uniform a tuma lugar recientemente
na Paradise Beach Resort p’asina introduci e ekipo di
baseball di Aruba Jrs, kendenan ta participando den e
torneo local actualmente, na nan uniformnan nobo.
Aruba Jrs., un ekipo di 14 hungador, entre 11 pa 13
aña di edad, ta disfruta di e guia di 3 coach dedica, y
e sosten di hopi mayor y miembro di famia kendenan
n’e ocasion aki a bin pa apoya e ekipo bisti cu nan
uniform nobo.

Gerente General Freddy Albertus a splica cu 3 di e
hobennan hungando pa Aruba Jrs ya caba a wordo
selecta p’e ekipo nacional di Aruba cu lo participa
den un Torneo di U12 World Series na Nicaragua.
Albertus tambe a bisa cu esaki t’e prome ekipo cu
e resort a yega di sponsor, y ta dun’e hopi placer pa
por sirbi e comunidad n’e manera aki, y asina percura
p’e muchanan ta ocupa y no ta riba caya durante e
oranan di atardi.

E uniformnan orguyosamente ta carga e logo di Para-
dise Beach Villas riba nan lomba. E logo a wordo
bautisa cu bubbles den presencia di e hungadornan,
nan coach, e madrina di e ekipo y nan mayornan.
Bolo y co’i bebe a wordo sirbi despues di e ceremo-
nia cortico, cortesia di e resort. E honor pa corta e
bolo a bay na un di e mamanan di e ekipo y Gerente
General Albertus.