Page 13 - ARUBA BANK

Campeonato HEINEKEN di Aruba Softball Bond dedica na dos baluarte Sra. Bertha

Wolf Croes y Eugenio “Tan” Helder a continua diadomingo atardi riba veldnan na Pos

Chiquito. Den un wega dramatico e equipo di Aruba Bank Lady Tigers ta laga Jaguars

Vitamin Water den tereno pa reclama e titulo di Campeon 2017.

Un serie cu a desaroya hopi sera unda ambos equipo no kier a baha cabez bayendo 5

wega completo. Den e wega desisivo diadomingo atardi Aruba Bank ta tuma ventaha 1-0.

Wega ta keda sera unda den 6 inning Jaguars ta logra empata e wega 5-5. Den bom di 7

inning sinenbargo riba un pisa y core tras di shortstop Meraly Kootes ta slide na home

anotando e careda di victoria ganando e wega 6-5. Un wega jena cu hopi emocion unda

ambos equipo a faha otro te final. Box score Aruba Bank 6 careda, 7 hit, 4 error. Jaguars

5 careda, 6 hit, 2 error. Rudlyn Ras kende e mesun mainta no tabata por a domina e

bateria di jaguars a bin ful diferente atardi comandando e wega lansando 7 entrada pa

pone e titulo riba su nomber reclamando alaves e premio di MVP.

Kathleen Emerenciana por mira atras riba un tremendo wega ricibiendo relevo di

Melissah Daniel kende a resulta pitcher perdedor. Mihor bateadornan pa Aruba Bank ta

Nikkaela jacobs 3-2, Jennifer Chirino 4-2, Rudlyn Ras 2-1. Jennifer Chirino alaves a

reclama e premio di Champion Batter di henter campeonato cu un averahe di 625. Pa
Jaguars a destaca na plato Jenysella Tromp di 3-2. Riangela Flanegin ta logra e titulo di

champion homerun cu 2 cuadrangular. Aruba Bank lady Tigers campeon mientras

Jaguars Vitamin Water sub campeon 2017. Un bunita serie porcierto. Pabien sigur na e

deporte di softball cu a sobresali brindando nos atletanan e oporunidad di competi.