Page 9 - AM221011

Diamars, 11 October 2022 AWEMainta Suceso

Chauffeur a keda pega den auto:

Accidente serio na Sabana Liber dialuna marduga

Atencion D.O.W, awasero a laga hopi tera riba caminda, cierto camindanan mas
peligroso cu otro. Bocht di Sabana Liber mester di boso atencion urgente.

ialuna algo despues di 3’or di marduga a sosode un accident basta
D serio na Sabana liber, e accidente a sosode na altura di e T-kruising.

Un Toyota Yaris Shinishi maneha pa un cabayero, tabata biniendo di pariba
cu velocidad halto a slip den e tera riba caminda, a perde control y a dal
contra un palo di luz, e impacto tabata net banda di chauffeur. E impacto
a laga un area grandi di Sabana Liber y bisindario sin coriente.

Polis na su yegada ta topa cu un chauffeur masculino pega den un Yaris, e
impacto tawata net unda e chauffeur ta cu a causa cu e la keda pega den
e vehiculo.

Mesora ta pidi ambulance y materiaalwagen di Brandweer cu hopi urgencia.
Presencia di Elmar tambe a wordo pidi na e sitio pa drecha e palo di luz y
reconecta coriente pa e area aki.

Despues di basta rato a logra libera e victima for di e auto y despues cu e
paramediconan di ambulance a trat’e na e sitio a transport’e cu urgencia
pa hospital.

Departamento di trafico, departamento tecnico y slachtofferhulp tur a
wordo poni na altura di e accidente serio aki.

9