Page 22 - KPA

Jaburibari: Diadomingo den oranan di marduga polis ta bay un poco pazuid di
Parke Curason, na Jaburubari. Pa motibo cu un auto lo a pasa dal contra un
palo di lus y aparentemente lo kier a bandona e sitio.

Na yegada polis ta topa cu un Toyota Yaris color blanco sin plachi number. E
auto tabata bandona no tabata tin niun hende na e auto.
Polis mesora a bay tira bista den cercania, pa asina wak si nan por topa cu e
chauffeur.

Altura di e casnan di FCCA, nan a topa cu un homber Hulandes, actuando
sospechoso. Polisnan mesora a bay papia cune, pero e homber aki tawata papia
yen cos bruha y no kier a admiti di tin algo di haber cu e Toyota Yaris.

Takelwagen a ser pidi y nan a bay cu e auto pa mas investigacion.
KIEBRO Y LADRONICIA NA WENDY’S RIBA

L.G. SMITH BOULEVARD

August 14, 2017 Admin Uncategorized Leave a comment

Oranjestad – Diadomingo den oranan di marduga presencia di polis ta wordo
rekeri na Wendy’s riba Boulevard, pa motibo di kiebro y ladronicia.

Na yegada nan ta topa cu e patrol di e compania di seguridad staciona na e
bentana di Drive Thru, caminda desconocidonan a destrui e bentana di Drive
Thru y a bay cu un di e monitornan di computer.

Polis na e sitio a tuma tur datos y a sigui cu su patruya.

HABITANTE DI CAS TA MIRA UN PERSONA

DESCONOCI TA COBA DEN SU AUTO Y

MESORA TA BATI ALARMA

August 14, 2017 Admin Uncategorized Leave a comment

Palm Beach – Diadomingo den oranan di marduga polis ta wordo pidi pa bay na
un cas na Palm Beach, caminda un habitante lo a mira un persona desconoci den
su cura di cas. Patruya di Noord mesora ta bay na e cas.