Page 60 - KPA

14 AWEMainta Dialuna, 14 Augustus 2017

Accidente basta fuerte

dilanti Chaly Rumshop

Foto cortesia di Arubanative.com

DIADOMINGO den oranan di mainta, un accidente basta
fuerte a tuma lugar dilanti Chaly Rumshop na Sero Patrishi, pa
cual a manda pidi presencia inmediato di Polis y Ambulance.

Polis a presenta n’e sitio y constata cu e chauffeur di e Nissan
Platina tabata bayendo direccion Paradera ora cu el a cuminsa
bay na banda robes di caminda na momento cu e Toyota Yaris
tabata biniendo di banda contrario. Segun e chauffeur di e Yaris,
el a purba hala pa evita impacto, pero no a logra. Un auto para
den sitio di parkeo tambe a ricibi daño.

Ambos chauffeur a keda basta herida, cu esun di e Nissan Platina
siendo e mas grave cu un kap na su cabes. Dos Ambulance a pre-
senta pa atende cu e heridonan y transporta nan cu urgencia pa
Hospital. E daño n’e tres autonan tambe tabata hopi.