Page 11 - HOH OCT 15 2020_Neat

October 15, 2020
www.awemainta.com
www.facebook.com/awemainta
noticia@awemainta.com
583-1400

REY WILLEM ALEXANDER DEN

COMBERSACION CU SECTOR MEDICO

NA ARUBA Y SINT MAARTEN

DURANTE CRISIS DI CORONA

SU Mahestad Rey Willem-Alexander a hiba combersacion
online diaranzon dia 14 di october ultimo cu e empleadonan
di e organisacionnan cu den e parti Caribense di Reino, ta
ocupa nan mes cu cuido medico rond di e brote di corona.
Rey Willem-Alexander a papia entre otro cu Presidente di
Asociacion di Dokter di Cas na Aruba (HAVA), dr. J.S .
van Trigt tocante e situacion actual rond di coronavirus y
e manera cu e dokternan di cas ta maneha e situacion di
crisis.
Tambe el a papia cu e empleadonan di hospital,
servicio di laboratorio y e ministerio concerni na Sint
Maarten tocante e consecuencianan di e brote di corona
y e impacto di e crisis riba nan trabao. Dia 29 di
october Su Mahestad, den e mesun cuadro aki, lo hiba
combersacion via video cu sector medico na Corsou.
A trabes di e combersacionnan via telefon y online, y
unda cu ta posibel haciendo bishita di trabao, Rey Willem-
Alexander y Reina Máxima ta informa nan mes tocante e
consecuencianan di e brote di corona y nan ta expresa nan
apoyo y aprecio p’e compromiso di tanto persona den e
lucha contra e pandemia.

(Potret: Rotapool & KABGA)