Page 5 - Min Jus 11NOV,2015

A organisa di dos curso di TOPS! den Centro

Ortopedagogico

on: November 11, 2015In: LocalNo Comments
Print Email

Recientemente riba peticion di Ministerio di Husticia Arthur Dowers a tuma luga un curso
special na Centro Ortopedagogico na Dakota. Ya caba den luna di september e fundacion aki a
coopera pa un curso pa 20 trahado di Stichting Reclassering en Jeugdbescherming Aruba y di
Centro Orthopedagogico.
Stichting 180 ta un organisacion y red di conocemento cu tin como meta pa mehora e posicion
social di hobennan vulnerabel. Nan ta realisa easki door di ofrece programanan y intervencion cu
hobennan y promove e experticio di profesional- y organisacionnan cu ta traha cu e hobennan.
Marc van Rosmalen, trahando cu stichting 180, ta actualmente na Aruba pa duna e curso aki,
cual ta e trabou. Mescos cu den luna di september, a organisa un curso cu ta wordo yama TOP’s.
TOPs! Ta e programa di grupo cu ta siña hobennan delincuente y cu comportacion antisocial pa
tuma responsabilidad pa nan actitud y pa pensa y actua positivo. A concentra den e curso con pa
uza mas miho posibel e motto di TOPS! cual ta pensa positivo.
E curso tin un duracion di 4 dia y mester bisa cu esaki ta di dos biaha cu Stichting 180 ta na
Aruba pa duna tipo di curso aki cual ta contribui na un miho ayudo cu hobennan por ricibi, cual
ta e meta tambe di Minister di Husticia Arthur Dowers p’asina nan por tin un comportacion
positivo a lo largo den sociedad.
Rosmalen a bisa cu esaki ta un bon proyecto y un forma pa e profesional mehora nan metodonan
pa atende cu e hobennan. El a ripara cu e participantenan na e curso ta haya esaki algo “leuk”. E
sistema aki a wordo uza na Hulanda cu bon resultado y e ta kere cu na Aruba e lo tin e mesun
resultado positivo. Durante e training caba a constata cu ta importante pa bini cu un TOPS!
Caribe pa pensa riba e diferente formanan di implementacion di e metodo aki. “El a bira algo
hopi leuk cu un training hopi interactivo,” el a duna di conoce.
TOPS!, el a splica ta un parti di un metodo mas amplio cu yama U-Turn y e intencion ta pa
introduci esaki mas ampliamente na Aruba y haci di esaki un opleiding na Aruba. No solamente
pa esnan cu ta bay ehecuta e programa den nan trabou diario pero trata di educacion “opleiders y