Page 72 - MIN ON

Leerplicht ta bisa cu tur mucha mester bay scol, pero si bo ta wak un hende
cana cu tres criatura niun hende no ta puntra e mama e pakico e muchanan no
ta bay scol. Sra. Cornelie ta di opinion cu kisas no tin suficiente personal den e

Bureau Leerplicht.

E porcentahe di GDP cu ta wordo dedica na Enseñansa, segun e Education
Vision Policy segun e ministerio di enseñansa, obtenibel ariba www.ea.aw.

Eyden ta poni te cu 2016 e ta traha, den e relato ta poni cu 19% di gastonan di
gobierno ta bay na enseñansa. Esey ta ekivalente na 4.7% di bo GDP. Segun

UNESCO e mester ta 6% of mas.

Si compara cuanto ta bay na enseñansa, compara cu na e otro gastonan cu

gobierno tin, e ta hopi halto berdad. Algun ta na 4 of na 5%. Pero SIMAR ta
kere cu esey ta algo cu mester bay drecha pa motibo cu enseñansa no ta

solamente edificio. Ademas e edificio ey, aki 5 pa 6 aña atrobe mester su grote
beurt ya cu kleine beurt ta bay ariba cada directie y atrobe bo ta haya bo cu e

gastonan ey. Mientras paden mes, nan no ta bezig cu nada.

Specialmente den enseñansa primario, caminda cu e bida den un klas ta hopi
importante, pero den scolnan grandi tambe. Pero e atencion ta ariba e
muchanan mas chikito, di kleuter of basis. E maestronan ta verf nan klas, nan

ta cumpra cortina, diferente cos pa dorna nan klas, y hopi hende ta saca placa
di nan cartera, pasobra cu nan hefe y hefe ta haya tende for di mas ariba, cu ta

directie di scol cu no tin placa y cu placa no ta yega.

Segun Sra. Cornelie, despues di 28 aña den enseñansa, bo ta cuminsa cu hopi
entusiasmo. Maestronan ta uza placa di nan mesun saco pa drecha nan klasnan.

Nan kier brinda un klas agradabel na nan mes y na e alumnonan. Pero ta keda
deber di gobierno pa duna suficiente na directiva di scol pa esaki duna nan
trahadonan di scol pa gasta den nan klasnan, segun Sra. Maroeschka Cornelie

di SIMAR.