Page 57 - HOH
P. 57
ORANJESTAD,Aruba -Pashentnan na Colombia: Awe 27 di maart 2020 AZV a regla un
charter di SARPA cu lo yega 5or di atardi for di Colombia cu un total di 33 cliente di AZV. Ta
spera pa cada cliente di AZV cu yega for di Colombia mantene nan mes na e instruccionnan
di Departamento di Salud Publico y pues cumpli cu keda cas. Pashentnan cu mester haya
tratamento den exterior: Door cu e frontera cu Colombia ta cera no ta posibel pa manda
pashent nobo Colombia sin mas. AZV ta bezig hunto cu gobierno di Aruba pa bin na otro
solucion pa loke ta casonan di extremo urgencia y cu no tin coronavirus. Ta importante pa
cada cliente di AZV corda di tin nan paspoort na ordo, esta valido. Pashentnan pendiente pa
haya tratamento den exterior Pashentnan pendiente pa haya tratamento den exterior cu no
ta urgente (no ta casonan di bida y morto) lo mester warda por lo pronto. Servicio di AZV Pa
inscripcion, prolongacion y of peticion ta pidi e cliente pa email AZV na
klantenservice@uoazv.aw y pa preguntanan general por email AZV na: info@uoazv.aw AZV
Aruba App Tin 17000 asegurado di AZV cu ya a download e AZV Aruba App y tin nan digi-
ZorgPas. Ta pidi tur e personanan aki pa update e AZV Aruba App y asina lo por ricibi
pronto notificacionnan di AZV. Adicionalmente tin e oportunidad pa aplica cerca AZV como
un ‘usuario verifica’, esaki ta nifica cu abo como cliente di AZV kier registra un adulto pa
kende bo ta responsabel por ehempel pa busca su remedinan na botica. Email AZV na
klantenservice@uoazv.aw pa bira un usuario verifica den caso cu bo ta desea. Pa tur esnan
cu ainda kier haci uzo di e AZV Aruba App, bo ta bay den Google Play of App Store y
download e AZV app.
https://www.earubianonews.com/update-colombia-y-azv-aruba-app/
Minister Dangui Oduber: E strategia di ministerio di
salud ta pa haci mas tanto test posibel!
March 28, 2020
ORANJESTAD,Aruba - Na e momentonan aki Aruba a conoce 46 caso cu a test positivo di
Covid-19. Naturalmente esaki ta trece preocupacion serca nos tur cu ta biba riba e pais
