Page 64 - HOH

*Grupo di riesgo halto mester lubida nan bida y di nan famia

ORANJESTAD(AAN)–Ora papia di e grupo di riesgo mas halto pa wordo infecta cu e virus
COVID-19, ta menciona edad y condicionnan ya presente di malesa. E grupo cu diariamente ta

pone su mes mas na riesgo cu cualkier otro grupo den comunidad, ta e trahadonan den cuido
medico.

Na diferente ocasion ya DIARIO den tratamento general di e casonan di riesgo den comunidad,

a atende e topico aki. Informacionnan cu mester wordo considera dramatico ta alcansa DIARIO
for di mundo medico, caminda profesionalnan den mundo medico ta bira victima di intolerancia y

hasta abuso di hende cu no kier sigui regla.

DIARIO a bay profundisa riba e tereno aki y mester yega na e conclusion, cu na e momentonan
aki mester considera tur cu ta parti di cuido medico como e ehercito cu ta enfrenta un enemigo

den e guera di hende contra e coronavirus nobo.

Bou di un stress personal enorme personal di cuido medico mester haci nan trabou y pone tur
miedo un banda. Como hende nan tambe ta preocupa pa nan bida y bida di nan miembronan di

famia, cu ta den nan man.

“Bo sa cuanto miedo mi tin cu ami ta bay infecta henter mi famia?” un trahado den cuido medico
a puntra DIARIO, cu a papia cu personanan den tur ramo di cuido medico.

Pa mediconan y otro profesionalnan cu ta directamente encarga cu e maneho mas halto di

enfermedad, por papia di un frustracion. Nan no tin remedi contra e virus y nan no por stop e
virus. Nan mester dicidi kico ta haci cu pashent. Nan ta duna pashent tur loke tin pa duna

pashent den un situacion cu no a permiti preparacion.

Den mundo di dokternan y sigur personal medico den hospital tin e miedo cu na cierto momento
nan mester dicidi kico ta pasa cu bida di kende.

Tur otro hende cu ta labora den e sector, mester pone nan propio ansha na e luga mas abou

pasobra nan mester concentra riba loke nan ta haci ya cu cada paso den mundo medico y eror

ta nifica problema serio pa un hende.