Page 5 - AHATA
P. 5
Diabierna, 29 Augustus 2025 AWEMainta LOCAL 7
innova, ta pusha nan limite y ta logra move idea-, causa- y recordnan.
“‘Ningun hende no ta profeta den su tera’, cu ta nifica cu hopi bes na cas
mes no tin aprecio p’e trabou realisa. Nos sin duda lo no permiti esaki
sosode. T’a pesey mes, Aruba Tourism Authority hunto cu Ministerio di
Turismo, ta mustra awe cu nos ta contento y ta celebra nos logronan cu
orguyo y ta reconoce tur cu a traha duro, cu sodo di nan frenta, pa awe
nos ta unda nos ta”, asina Ronella Croes, CEO di Aruba Tourism Authority
(A.T.A.) a bisa durante su discurso.
Cu e monumento aki A.T.A. kier percura p’e nombernan aki ta bon graba
y cu e generacionnan nobo por siña y cu e huespednan por conoce mas
di Aruba su desaroyo turistico. Por nota cu e monumento aki ta brinda e
espacio pa otro pioneronan cu a, ta y lo ta di nificacion grandi pa Aruba
su turismo.
A.T.A. kier yama cada un di e pionero y lidernan danki. Tambe n’esunnan cu
no por tabata presente n’e ceremonia pa motibo cu nan ta afo, y n’esnan
cu no ta cu nos mas, na nan famia, danki. Danki pa a permiti cu A.T.A. por
honra tur como un di e arkitectonan di e desaroyo turistico di nos isla.
