Page 22 - KPA

Juli 25, 2017
www.awemainta.com
www.facebook.com/awemainta
noticia@awemainta.com
583-1400

ATRACO TROPICANA CASINO

VOCERO di Polis, Lito Lacle a informa nos cu ayera pa 06.52 informacion a drenta
via Centrale Post cu 2 trahador di Tropicana Casino a wordo atraca.
E prome informe ta mustra cu e 2 trahadornan tabata canando bay direccion di e casino,
ora cu un Hyundai Shinishi A-66765 cu 2 homber den dje a para banda di nan. Cada un
cu un arma di candela den man a exigí e placa for di e 2 trahadornan aki.
E suma cu nan a bay cune no ta conoci, pero ta ser menciona cu nan a bay cu 5 mil dolar.
Un rato despues e Hyundai a wordo haya na candela na altura di veld di Bubali.
Patruyanan Policial, Team di Atraco y BFTO a bay n’e sitio. Cualkier persona cu por a
wak algo of cu por tin informacion yama Centrale Post na 100 of na nos tiplijn 11141.

Mester bisa cu esaki a di dos casino den lapso di algun luna, cu a bira victima di atraco.
Esun anterior tabata na Glitz Casino y por bisa tabata mesun modus operandi. Lo por
ta trata di mesun atracadornan? Investigacion ta sigui.
(foto cortesia di Native News)