Page 22 - MIN JUS

4 AWEMainta Diahuebs, 5 October 2017

No ta papia mas di accion, pero

Trahadornan di

RBC Royal Bank

a bay den welga

Situacion a bira dificil pa

partidonan haya otro

DIALUNA mainta, e trahadornan di RBC Royal
Bank a dicidi walk-out pa dos ora, despues cu gerencia
kier impone pa saca un articulo di nan CAO. E walk-
out aki, algun ora mas despues a bira un welga, sigur
ora cu gerencia di RBC-Bank a bira intransigente y
kier pone su kier y no kier negocia nada mas.

Ayera e welga a drenta su di dos dia, y mirando e
situacion, Mediador di Gobierno a convoca un re-
union ayera mainta 10 or, pero despues di esaki, por a
conclui cu no tin solucion na bista. E punto di discu-
sion ta, cu RBC-Bank kier eliminacion di un articulo
den e CAO, cu ta papia di spaarfonds, unda e banco
y e trahador ta contribui, pero awor na opinion di e
banco, esaki ta un gasto extra, y como tal nan kier
elimina esaki.

Pero di parti di FTA, cu t’e sindicato cu ta representa
e trahadornan, no ta cuestion di elimina un articulo
den un CAO, cu ya a keda acorda y firma. Si nan
kier elimina esaki, anto e caminda pa cana ta Corte
di Husticia.

FTA a haci hasta e proposicion pa laga RBC Bank
bay Corte, cual proceso por dura 6 luna pa un aña,
pero mientrastanto e banco ta sigui contribui den e
fondo. RBC Bank a nenga esaki, pasobra nan kier
eliminacion di dicho articulo di inmediato.

Ayera den reunion cu Mediador di Gobierno, RBC-
Bank a reitera su posicion y FTA di su banda no
kier desvia. Esey nifica, cu awe nan lo bay pa di 3
dia di welga, mientras cu Mediador di Gobierno a
bolbe convoca un reunion pa awe mainta, unda e lo
presenta un proposicion. Si RBC Bank y FTA bay di
acuerdo, e welga lo finalisa awe mes, de lo contrario
esaki lo sigui.

Na ningun di otro banconan di RBC Royal Bank tin
un fondo asina di ahorro, ta na Aruba so. Loke tambe
ta un estorbo, cu e decisionnan ta ser tuma na sede
mayor, cu ta keda na Canada y pesey nan no sa kico
ta bebe y come den nos comunidad, loke sigur ta
haci’e dificil p’e partidonan por haya otro.
Mientras cu no por haya otro, e welga aki lo sigui, ta
posicion cla y determinante cu e trahadornan sosteni
pa nan sindicato a tuma.