Page 54 - AVP

Pa pueblo comprende e cifranan aki, pueblo mester tin conocemento di palabranan y
formulanan cu ta wordo uza pa presenta y yega na e cifranan.

Ora papia di inflacion, ta papia di e desaroyo financiero di un pais caminda placa a

perde su balor den e sentido, cu pueblo por cumpra menos cu e mes cantidad di placa.

Pa presenta e cifranan mester duna informacion riba e cantidad di luna y aña pa cual e
cifranan aki ta conta.

Inflacion a resulta di e maneho di gobierno cu na Aruba a bira desastre di un pueblo for
di momento cu Mike Eman a haya poder a base di baha BBO. Aki problema a start na
Aruba na 2009, ora Mike Eman a baha entrada di e pais y a bay haci un fiansa di casi

100 Miyon pa paga gastonan di e pais.

Mike a sigui haci debe riba debe pa Aruba. No tabata su placa pasobra hasta e placa cu
e tabata hinca den su saco como Ministro Presidente, tabata di caha di pueblo.

Kico un trahado ta sinti ora e mester saca placa, ta poco dificil pa Mike Eman
comprende probablemente pasobra casi e no tin experencia con pa produci placa pafo
di e aparato gubernamental.

Na momento cu Aruba a haya Status Aparte, na momento cu un Eman tabata na poder,
Mike tabata cobra su salario for di caha di pueblo.

Ora el a haya chens pa e bira Ministro Presidente, e forma cu el a gasta placa di Aruba
no tabata tin limite.

Nos ta reta Mike Eman pa bin bisa cu nos ta gaña y nos ta haci uzo di rapportnan oficial

cu si e no ta presenta na pueblo.

Mike Eman y su “pequeña compania” ta prefera di haci uzo di rapportnan riba inflacion,
cu ta mustra cu prijs a subi. E ta manipula e trahado cu tin dificultad pa pone pan ainda

riba mesa, con prijs a subi pero e no ta bisa durante cual periodo ni pakico.