Page 61 - AVP

Na final di 2017 e gobierno nobo di Aruba no a haya di gobierno anterior cifranan pa
2018. Ademas Hulanda a exigi pa deshaci e fantasia di entrada cu Citgo lo a genera pa
Aruba y cu gobierno Eman a inclui den su prome cifranan pa 2018.

Na momento cu Gobierno di Aruba paga personal di Duana cu ta menasa di bay Hues, e
mester aumenta salario di tur personal di gobierno di cual ya tin indicacion cu nan kier
aumento di pago.

Ora paga personal di gobierno lo mester aumenta medidanan pasobra Aruba no tin
placa reserva pa esaki den e situacion cu e pais a keda.

Esaki ta nifica cu atrobe comercio cu ya ta den problema mester paga mas medida pero

no tin placa tampoco pa aumenta pago di su personal, cu tambe por bay exigi.

Aruba ta enfrenta momentonan sumamente dificil segun informantenan cu tin miedo
pa un explosion social na entrada di e temporada nobo di turismo.

“Indexering lo causa un spiraal espantoso. Comercio cu mester produci placa no tin. Ta
for di 2014 comercio y sindicatonan ta conoci cu e problema serio di Aruba. Comercio a
pidi atencion di gobierno for di 2014 pa baha su gasto,” informantenan a duna di

conoce.

DIARIO ta sigui vigila e situacion, cu por cay den un explosion social ora prijsnan sigui
subi y menasa turismo y inversionistanan cu ta sumamente cauteloso cu gastonan sigur

den e situacion mundial actual.

https://www.diario.aw/2019/10/indexering-personal-gobierno-por-bira-inflacion-explosivo/