Page 9 - DIGICEL

Digicel ta despedi di Arsenio Gumbs di un forma original

Thursday, 21 May 2015 16:33
Comparti

Un gran cantidad di clientenan corporativo y amigonan a yega hunto pa despedi di Arsenio Gumbs, cu pa
e ultimo 13 añanan tabata traha den e departamento di benta di Digicel Aruba. “Mi ta corda manera ta
ayera e prome bes cu mi a presenta na Digicel pa bende un mashin di fotocopia.

E tempo ey, siendo un compania nobo, Digicel tabata e compania mas solicita pa forma un carera y e
coleganan despues a bira mi famia, e famia grandi di Digicel. Nos a crece, evoluciona, innova y awe nos ta
para na unda nos a inicia, e compania di telecomunicacion di mas grandi den Caribe, cu te dia di awe ta e
compania mas solicita pa haci carera” asina Arsenio Gumbs a relata.

Ta cualifica Arsenio Gumbs como un empleado cualifica, stabiel, leal y dedica na su compania y trabao.
Esaki ta refleha tambe den e presencia di esunnan cu a bay despedi di dje. Entre nan Teresa Brown, cu a
biaha special for di Merca, un amiga di mas di 40 aña tempo cu Arsenio tabata toca den e band Friends.

“Arsenio ta un di e miho drummernan cu Aruba a conoce, e ta mi amigo den tur e añanan aki y mi no por
a laga e oportunidad pasami voorbij sino biaha pa Aruba, duna e sorpresa di su bida y desea Arsenio lo
miho pa e etapa nobo den su bida.” Teresa Brown ta splica.

Brian Monpellier, hoben y dinamico, ex ehecutivo di KPN Nederland lo ta e proximo Head of Business
Sales. “Mi ta orguyoso di por a conoce un persona cu a demostra capacidad pa 13 aña na Digicel y mi ta
desea Arsenio tur cos bon pa futuro”.

Brian Monpellier, nativo di Surinam, procedente di Breda, Hulanda ta trece cune un era innovativo pa
Digicel introduciendo Cloud Backup, sistema di telefon Avaya (PBX),Desktop- as a Service, Video
Surveillance as a Service y Digi Drive. Digicel ta maximalisa e potencial di tecnologia, ta resolve problema
tecnico y ta ofrece e miho y mas reciente solucion pa e concepto Business- to- Business.

Gerencia y personal ta yama Danki na Arsenio Gumbs. “Como un compania y miembro activo di
comunidad, nos ta contento di por a disfruta y siña masha hopi mes di Arsenio Gumbs y nos ta desea pa
sigui construi riba relacionnan duradero pa hopi aña mas cu nos trahadonan, demostrando asina cu
enberdad nos ta e compania mas solicita pa traha carera”, asina Bob Sprengers, Gerente General di
Digicel Aruba a bisa.

Specialmente pa despedi di Arsenio, Digicel Aruba a ofrece un fiesta den cual a inclui un telefon analoog
bieu, set di sofa pa e descansa y ciga pa esunnan cu ta huma.