Page 16 - MIN ARENDS

AWEMainta Diabierna, 29 September 2017 15

Drs. Mervin Wyatt-Ras un di e

votegetters prominente di partido AVP

DRS. Mervin Wyatt-Ras, e actual Presidente di
Parlamento, durante e eleccion aki a sali un di e vo-
tegetters den top 10 di partido AVP.
Wyatt-Ras tin un carera amplio den politica y a
eherce diferente funcion den Parlamento. Dos biaha
consecutivo el a fungi como Presidente di Parlamento.
Den su carera politico su cantidad di votonan no a
baha bou di 542 voto.
Na aña 2001 el a saca 763 voto, ora el a bay pa prome
biaha riba lista.
Na 2005 Wyatt-Ras a haya 542 voto, na 2009 7003,
na 2013 el a haya 839 y e biaha aki 661 voto.
Wyatt-Ras cu nunca no tabata un Minister y no por
a haci ningun favor politico pa e pueblo asina mes a
sabi di mantene su votonan. Su carisma y amor pa su
pueblo a haci cu e por a mantene su hendenan cu ne.
Wyatt-Ras na un forma special semper ta dedica at-
encion na su famia y personanan rond di dj’e. Semper
e tin oido pa esnan cu ta den dificultad.
Awor e tin e reto di sigui representa su pueblo. Pueblo
a bay urna electoral y a scoge su representantenan. E
señal aki tin cu tene cuenta cu ne.
Wyatt-Ras apesar di a perde voto e biaha aki ta di
opinion cu tanto e como su partido tin cu refleha y
sigui traha den interes di nos pueblo manera el a bin
ta haci semper. Segun Wyatt-Ras priminti ta facil,
mientras cu cumpli ta mas importante, sinembargo,
mas dificil. Cualkier Gobierno cu bay sinta lo mester
cumpli cu nos pueblo.
Tin partido a haci diferente promesa cu awor nan
mester bay cumpli cu nan.
Wyatt-Ras ta agredecido cu su votonan di calidad
cu el a ricibi. Ta esnan cu di curason a dicidi di sigui
sostene su persona of a sosten’e pa prome biaha. E ta
priminti di keda sali na nan interes den Parlamento.