Page 24 - AWEMAINTA

24 AWEMainta Dialuna 15 Januari 2018

Aruba Wielerbond a

hasi entrega di licencia

di miembrecia 2018

ARUBA Wielerbond (AWB) ta cla pa emiti e licencia lo-
cal pa su miembronan cu ta afilia na e clubnan miembro di

AWB, cumpliendo asina cu e regulacionan di e federacion
internacional di ciclismo UCI.

Den fin di siman, directiva di AWB a ricibi su miembronan
den pa asina tuma e aplicacion y hasi entrega di e licencia

corespondiente. AWB ta hasi un jamada na tur su meim-
bronan pa percura pa aplica pa e licencia. Esaki ta posibel

te cu dia 31 januari 2018.

E licencia ta un documento di identidad cu ta confirma cu
e portador di e licencia ta compromete su mes cu e ta res-

peta e constitución y e reglamentonan di UCI y di AWB, y

ta autoriza e portador pa participa na e eventonan ciclístico
cu ta aparece riba e Calendar Nacional di AWB pa 2018.

Teniendo cuenta cu e código di UCI 1.1.002 & 1.1.006,
ta implica cu participacion na eventonan di ciclismo riba e

calendario nacional, auspicia pa AWB, ta accesible única-
mente pa un portador di un licencia nacional, emiti dor di

e órgano aki.

Como tambe e licencia ta encera cu AWB a percura pa
e portador di e licencia ta adecuadamente sigura contra

acidente ora e ta practica ciclismo competitivo of training,
durante e aña cu a emiti e licencia.

Pa aplica pa e licencia local, e aplicante mester ta miembro
di un club afilia na AWB durante e aña vigente, e mes-

ter trece un ID valido y e montante ariba menciona of un

prueba di pago.
E promer evento riba calendario nacional di AWB ta e com-

petencia di mountain bike organisa pa Tri-Bike Team cual

ta e Drie Daagse cu ta tuma lugar e fin di siman venidero.