Page 9 - awe1307

Diaranson 13 di Juli 2022

SUCESO

Homber agresivo y cu cuchiu

den man aresta na Mozartstraat

ialuna anochi algo pasa di 9:30 polis a
Dbay un apartamento den Mozartstraat,
unda cu lo tin un homber agresivo y cu lo
a menasa famia y destrui cos.
Na yegada di polis e homber lo a sali y den
su man un cuchiu di cushina basta grandi.

Pues el a sali cu e cuchiu posiblemente cu
e intencion di mustra si nan drenta kico lo
ta spera nan.

Polisnan mesora a pidi pa refuerso y
alabes transportwagen.
Agentenan a cuminsa dialoga cu ne,
papiando fuertemente cu ne pa e drumi
abou y hala e cuchiu un banda.
Dado momento polis a bay puntra pareha
di e homber si e ta duna permiso pa kibra
drenta paden, mirando cu e homber no ta
reacciona y tawata hopi agresivo y arma
cu un cuchiu.

Agente di K9 a yega y na mas cu un
ocasiona a bise cu si e no entrega su mes
e cacho lo wordo gelos y esaki lo bira pio
pa su persona.

Despues di algun rato e agentenan hoben
a sa di haci un tremendo trabou y a logra
bula e cura arestando e homber.

Por a mira un agente sali cu e cuchiu cu a
wordo confisca.
Bou escolta di varios agente a logra hinca
e homber den transportwagen y hib’e
warda di Playa, unda cu despues di wordo
atendi door di un Sub Fiscal a wordo
translada pa Warda di Shaba.

No ta mucho duidelijk si e homber aki lo
por ta sufri di un enfermedad mental of lo
por a uza un of otro substancia cu a pone
bira asina.
9