Page 86 - MIN VOS

E substancianan aki ta mata bacteria sin pica. Si ta trata di un herida superficial chikito, tap’e cu un
pleister cu ta laga aire pasa. Caulke cos bo ta hunta un tiki unguante di yodo Betadine riba dje: esaki
ta preveni pegamento di e pleister riba dje. Cambia esaki cada (dos) dia.

Den caso cu sanger pasa dor di e pleister of cu e bira muha, mester cambi’e mas frecuente. Si e
herida ta sangra, bo por purba para e sangramento primiendo (riba) e herida (no lubida di laba bo
man prome). Si bo tin un herida cu ta sangra na bo brasa of bo pia, ta yuda si bo tene esaki na halto.

Tuma contacto cu bo docter di cas

-Si presenta un herida spontaniamente sin causa probabel.

-Si e herida cuminsa haci dolo atrobe despues di un par di dia.

Tuma contacto cu bo docter di cas inmediatamente

-Si tin un sangramento severo.

-Si no por haci un herida sushi limpi.

-Si ta trata di un herida hundo of un herida habri, mester cos’e denter di 8 ora.

-Si ta trata di un mordi di un hende of di un bestia.

-Den caso cu rond di e herida bira cora, eventualmente cu strepi na brasa of pia. Esaki por ta un

indicacion di un infeccion di lymfelklier. Alabes por surgi keintura.

-Si nunca bo no a haya un vacuna contra tetano of si esaki a sosode mas di dies aña pasa.