Page 27 - AWM 16 DEC 2017
P. 27
Diasabra, 16 December 2017 AWEMainta 27
Di dos curso “Douane Declarant” a finalisa exitosamente
DIARANSON atardi den presencia di su
excelencia Minister President, sra.mr. Evelyn
Wever-Croes, Departamento di Aduana con-
huntamente cu ATIA a hasi entrega di cert-
ficado na e graduadonan di e di dos grupo cu a
termina e curso Douane Declaranten cu exito.
Despues cu e prome curso di Douane Declar-
ant a start na maart y a termina cu exito na
juli,
Departamento di Aduana conhuntamente cu
ATIA a continua cu e di dos curso dia 17 di
Augustus. Tanto ATIA como Douane a ta com-
prende for di Brokers, Importeurs y Inklaring-
sagenten cu tin un necesidad y entusiasmo
grandi pa sigui cu e curso aki. E di dos curso a
start cu 30 participante di cual 25 a termina
esaki cu exito.
E curso Douane Declarant ta contene tur
locual un declarant mester ta na altura ora di
declara mercancia na Douane entre otro pidi
exoneracion di impuesto, bai den bezwaar y
pidi restitutie. Departamento di Aduana sigur
a wak un mehoracion den e forma di hasi de-
claracion, bai den bezwaar y pidi restitutie. E
Douane Declarant tambe ta comprende mi-
hor kiko su tarea ta y con pa hasie di e mihor
forma na momento cu e mester hasi un di e
procesonan y interpreta e leynan di Douane.
E tres cursista cu a termina cu mihor puntua-
cion ta:
1. sra. Gabriella Noguera di Romar Trading
2. sr. Martin Meijll di Cavalier Logistics
3. sra. Creselda Koolman di Land Sea Air Car-
go
Departamento di Aduana y Aruba Trade &
Industry Association ta gradici tur e cursista
pa nan esfuerso y alabes deseanan tur clase di
exito den carera como Douane Declarant.
Pa mas informacion over di e siguiente curso
interesadonan por tuma contacto cu ATIA.
