Page 32 - bnd july 15

B8 panorama

Diaranson 15 Juli 2015

Weganan Pan Americano Toronto 2015

Jennifer Piter logra kibra
su record personal

TORONTO- Dialuna atardi, e atleta di hisa peso Jen-
nifer Piter a mira accion den e OBX Centre.

E atleta di Aruba a haci su aparicion den e categoria 63kg hun-
to cu otro 7 atleta mas di e continente America entre nan e
fuerte competido di Colombia, Perez Tigrero cu a lo largo
a resulta e ganadora di e competencia. Den su categoria Jen-
nifer a cuminsa su competencia di hisamento di peso como
e prome atleta. Aplaudi pa e delegacion di Aruba, Jennifer a
start cu 70kg den e disciplina di snatch. Den su prome intento
Jennifer a snatch 71kg cual a bay hopi bon pa despues den su
di dos intento snatch 75kg cu exito. Den intento number tres
coach Adolfo Gallego a laga Jennifer snatch pa un maximo di
77kg cual e atleta Piter a logra cu exito. Den snatch, Jennifer a
logra mehora su record cu dos kilogram.

Pa loke ta Clean and Jerk, den su prome intento Jennifer a
clean and jerk pa 91 kg. Den su di dos intento Jennifer a clean
and jerk pa 95kg cual tambe e la logra hisa cu exito. Sinem-
bargo den su di tres intento pa lanta 98kg, Jennifer ta keda net
cortico, unda e no a logra hisa esaki. E atleta Piter por mira bek
tras di un bon presentacion unda e la inicia su competencia na
e Weganan Pan Americano cu un totalidad di 171kg y aki e ta
logra kibra su record personal cu 1kg pa un total di 172kg. Un
pabien na e atleta Jennifer Piter kende a logra kibra su record
personal den e Weganan Pan Americano Toronto 2015.q