Page 74 - AAA 5 OCT 2015

Controlador Aereo ta un di e profesionnan mas delicado cu tin

Publication: Monday, 5 October 2015. Categoria: General

Observador:

ORANJESTAD (AAN): Un observador a indica na DIARIO, cu nan ta compronde e problema di
Gobierno y e conflicto cu e Controladornan di Toren di Control, y cu cualkier accion lo ta malo
pa turismo.

Pero no mester lubida di e trabao duro y intenso di e Controladornan aki. Djis corda con algun
aña pasa, e Aeropuerto di O’Hare na Chicago na Merca, esun mas druk na mundo, no por a haya
controlador aereo, pasobra e ta un di e profesionnan mas delicado cu tin.

Pa por a atrae trahador, Chicago O’Hare a ofrece salario extravagantemente halto pa haya Tower
Controller, y ni asina no por a haya.

Compronde cu e Controllernan aki ta carga un responsabilidad grandi, pues semper ta hendenan
cu tin di keda den top shape cu salud, cu nan inteligencia, y alerto pa tur cos. Pues mester trata
nan netchi tambe. Djis corda cu na Merca mes, nan no ta laga nan traha hopi ora.

http://www.diario.aw/2015/10/controlador-aereo-ta-un-di-e-profesionnan-mas-delicado-cu-tin/