Page 4 - AM230421

4 LOCAL
Ministerio Publico ta bolbe mustra di ta midi cu dos midi
inisterio Publico a emiti un comunicado di
Mprensa ayera, relaciona cu caso den cual
Minister Glenbert Croes tabata envolvi pa loke
ta otorgamento di permiso pa stranheronan cu a
bandona Aruba pero kier drenta bek.
Segun Ministerio Publico, Landsrecherche a haci
un tipo di “feitenonderzoek” riba e procedura
cu a ser hiba pa loke ta otorgamento di e asina
yama “bewijzen van terugkeer”, esta BvT y den
cual proceso a scucha varios testigo.
E investigacion tabata concentra riba 6 BvT cu
no a ser otorga via di DIMAS pero dor di Minister
Glenbert Croes.
Den e comunicado di Ministerio Publico, e depar-
tamento ta bisa: “a resulta cu pa loke ta e autori-
sacionnan relaciona cu e emision di un BvT, cu e
Minister envolvi ta autorisa pa saca un bvt, y cu
normalmente e minister ta encarga DIMAS como
departamento ehecutivo, cu esaki. E proced-
imiento ta cu e peticion pa saca un BvT ta bay
via DIMAS.”
Ta bon pa Ministerio Publico aclaria su forma di
AWEMainta Diabierna, 21 April 2023
analiSiS
pensa, ya cu si Minister Glenbert Croes ta autorisa pa saca BvT y rela-
ciona cu e 6 BvT cu e mandatario a firma y no DIMAS, Landsrecherche a
conclui cu e documentonan aki no tabata falso ya cu Minister Glenbert
Croes segun Ministerio Publico, na final di cuenta ta autorisa pa duna
un permiso asina.
E aspecto controversial di esaki ta sinta den e hecho cu Beanny Sevinger
como minister di infrastructura, tambe tabata responsabel pa firma tur
peticion pa un tereno erfpacht, cu e conocedo expresion di “Dezerdzijds
akkoord, Gaarne Uw medewerking” y caminda despues Hues a considera
e Parlamentario como un “stempelmachine” pa firma asina tanto peti-
cion.
Dicon e argumento aki, esta cu Ben ny Sevinger ta autorisa pa firma
tur e peticionnan pa tereno y ta manda esakinan pa DIP, lo tabatin algo
ilegal cu esaki y di con e feitenonderzoek den e caso ey, no a yega na
mesun conclusion cu e caso di Glenbert Croes.
Cu Hues no a bari e punto aki for di mesa no ta kita di e hecho cu e
hecho cu tin indicacion cu e investigacionnan di ambos caso, ta dife-
rencia di otro sin cu esaki mester ta asina.
Den e caso Avestruz, Hues a haya Benny culpabel di lo a acepta regalo
for di su amigonan via di donacion of otro tipo di regalo, como posibel
“omkoperij” pero mesun situacion aki lo tin cu conta tambe den e caso
di Minister Glenbert Croes relaciona cu otorgamento di BvT.
Al contrario tabatin casonan cu prensa a cubri, esta 24Ora, grabando
famia di hendenan cu a wordo deteni pa Warda nos Costa, gritando cu
nan a haya permiso di entrada di Minister y mescos cu caso di Benny, e
posibilidad tambe por a existi ora cu Minister Glenbert duna BvT sin cu
esaki ta pasa via di DIMAS.
Pues den un caso ta mira e forma di procede aki di un “fabor” como
‘omkoperij’ manera tabata den caso di Sevinger pero den e caso di otor-
gamento di permiso, esaki si e Minister no a haci algo robes ya cu e ta
autorisa pa haci esaki.
Den caso di Glenbert, ta admirabel e forma con Procurador General ta
adverti e mandatario, di riesgonan grandi ora di “desvia” di procedi-
mentonan stipula y pa e no haci esaki mas ya cu lo no dificulta e control
di servicionan di gobierno.
Na Hulandes tin un dicho cu ta bisa: “het kan verkeren!”