Page 64 - KPA 8 APRIL 2016

mester entrega: • Comprobante di inscripcion na Camara di Comercio, • Comprobante di
persoonsnummer di Servicio di Impuesto, • Copia di identificacion valido, • Un situatie tekening di
kadaster, • 31 florin. Durante luna di mei 2016 lo evalua tur peticion. Den e evaluacion di e peticionnan
pa uzo di tereno riba beach “Directie Scheepvaart”, “Strandpolitie”, “Maritiem Politie” y “Dienst
Openbare Werken” (DOW) lo wordo consulta pa despues manda e conseho y proposicion na Minister di
Infrastructura. E meta ta pa na comienso di Juli ta entrega permisonan pa uzo di tereno publico riba
beach. E prome permison lo ta pa un temporada di 6 luna despues di esaki un peticion nobo mester
wordo haci, a base di esey lo bay duna un permiso di un aña pa haci uzo di espacio riba beach. Den e
permiso cu lo ser otorga lo tin condicionnan stipula pa por haci uzo di espacio riba beach, si un negoshi
no ta cumpli cu e condicionan aki nos a bin cu un “3 strike you’re out” policy. Ora un negoshi hay’e
envolvi mas cu 3 biaha cu polis, no ta cumpli cu otro permisonan pa su operacion of no ta cumpli cu
condicionnan stipula pa uzo di espacio riba beach lo propone na Ministernan pa revoca e permiso pa uzo
di tereno riba beach.
Consecuentemente lo por otorga e permiso na un otro compania. Negoshinan cu a cumpli cu
condicionnan stipula den permisonan y cu tabatin un bon comportacion manera authoridad y e Beach
Policy ta stipula, tanto riba awa y beach lo por ricibi un permiso pa henter aña. Pues bon comportacion y
cumplimento cu reglanan ta di vital importancia pa un permiso por keda valido. Meta di tur proyecto y
maneho nobo aki ta pa organisa y reglamente uzo di tereno publico riba beach pa asina un y tur disfruta y
alaves salvaguardia nos turismo.

Lisa Paskel a termina su “Kader Opleiding” cu exito

Thursday, 07 April 2016 14:28
Comparti

Recientemente Alto Comisario di Cuerpo Policial Aruba, mr. Adolfo “Dolfi” Richardson a otorga e decreto
gubernamental na Elizabeth Paskel-Robles de Medina. No obstante cu e Polis en cuestion a pasa den
temponan dificil cu perdida di su casa, toch el a sigui su estudio y a bin termina su “Kader Opleiding” cu
éxito.