Page 3 - MIN.JUS JUNE 2,2015

Pagina 4 Diamars Juni 2 2015

Segun abogado di Carlson Group ya a
bende edificio di Radisson

Dia 17 di Juni proximo Huez lo tuma un decision

den e caso sumario

Ayera Corte a trata e
caso di venta di Radisson
na Riu! Abogado mr.
Doris Canwood den
representacion di Carlson
Group a confirma na huez
durante tratamento di e
caso sumario cu nan a firma
un acuerdo di venta caba
cu RIU Hotels. Cu esaki a
pone un punto final tambe
na e proceso di 8 luna
di negociacion cu Aruba
Growth Fund, cu tabata
tin te December 2014 pa
keda cla cu e compra
pero nan no a cumpli. Ta
obvio cu e discusion aki
no ta facil pasobra Aruba
Growth Fund, representa
pa abogadonan di bufete
Van Eps Kunnenman ta
insisti cu tanten nan ta na
mesa, bo no por bira bende
e propiedad cu un otro
partido. Nan a pidi Huez den
e caso sumario pa obliga
Carlson Group pa regresa
mesa di negociacion
cu Aruba Growth Fund.
Carlson Group sinembargo
a pidi Huez pa declara e
demanda di Aruba Growth
Fund como no admisibel y
cu nan ta na Corte robez.
Esaki no por bay via un
caso sumario pasobra
Corte no por dicidi na
kende un compania priva
por bende su propiedad of
no. Riba dje Carlson Group
a presenta un scenario
completamente diferente na
esun di Aruba Growth Fund.
E ultimo ta insisti cu casi
tin un acuerdo. Rene Kan,
CEO di Aruba Growth Fund
a bisa pafor di Corte cu nan
ta wardando e yabinan di e
hotel e fin di luna aki pa nan
pasa e placa riba cuenta di
banco di Carlson Group.
E abogado di e compania
sinembargo ta insisti cu
no tin acuerdo y cu Aruba
Growth Fund no a cumpli
y como tal RIU Hotels si a
cumpli den 8 dia y a cumpra
e propiedad. Dia 17 di
Juni proximo Huez lo tuma
un decision den e caso
sumario.